Page load depends on your network speed. Thank you for your patience. You may also report the error.

Loading...

செய்திகள்  

ப்ருந்தாவனத்தில் துளளி ஸ்தாபனம்
1 ஜூலை 2018 பூஜ்யஸ்ரீ சங்கர விஜயேந்திர ஸரஸ்வதி சங்கராசார்ய ஸ்வாமிகளால் 1 ஜூலை 2018 அன்று பூஜ்யஸ்ரீ ஜெயேந்திர ஸரஸ்வதி சங்கராசார்ய ஸ்வாமிகளின் ப்ருந்தாவனத்தில் துளஸி ஸ்தாபன பூஜை நடத்தப்பட்டது. 29, 30 ஜூன் மற்றும் 1 ஜூலை ஆகிய நாட்களில் ஏகாதச ருத்ர ஜப ஹோமம், சண்டி பாராயண ஜபஹோமம் ஆகியவை நடைபெற்று பூர்ணாஹூதிக்குப் பின்னர் அபிஷேகத்துடன் முடிவுற்றன. வேத கோஷங்களுக்கிடையில் மானஸரோவர் முதல் கன்யாகுமரி வரை பூஜ்யஸ்ரீ ஸ்வாமிகள் காலடி வைத்த பல க்ஷேத்திரங்களிலிருந்தும் கொண்டுவரப்பட்ட ம்ருத்திகை (மண்) அவரது ப்ருந்தாவனத்தில் இடப்பட்டது. அபிஷேகத்தீர்த்தத்துடன் அனைத்து புண்ய நதிகளிலிருந்தும் கொண்டுவரப்பட்ட தீர்த்தம் ப்ருந்தாவனத்தில் சேர்க்கப்பட்டது. முன்னர் செய்த ஏகாதச ருத்ர ஜபஹோமம் மற்றும் சண்டி பாராயண ஹோமம் பூர்ணாஹூதியுடன் முடிவுற்றது. இந்த நிகழ்ச்சிகளின் நிழற்படங்களை இந்த வலைத்தளத்தின் ஆங்கிலப் பகுதியில் காணவும்.

பூஜ்யஸ்ரீ ஜெயேந்திர ஸரஸ்வதி சங்கராசார்ய ஸ்வாமிகளின் ப்ருந்தாவன துளஸி ஸ்தாபனம்
29 ஜூன் 2018 காஞ்சிபுரம் ஸ்ரீமடத்தில் இன்று ஏகாதச ருத்ர ஜப ஹோமம் மற்றும் சண்டி பாராயணம் மற்றும் ஹோமம் தொடங்கியது. பூஜ்யஸ்ரீ ஜெயேந்திர ஸரஸ்வதி சங்கராசார்ய ஸ்வாமிகளின் ப்ருந்தாவன துளஸி ஸ்தாபனம் 1 ஜூலை 2018 அன்று நடைபெற உள்ளது. 29,30 ஜூன் மற்றும் 1 ஜூலை 2018 அன்று ஏகாதச ருத்ர ஜப ஹோமம் மற்றும் சண்டி பாராயண ஹோம பூர்ணாஹூதிக்குப் பின்னர் அபிஷேகம் நடைபெற உள்ளது. இந்த நிகழ்ச்சிகளின் நிழற்படங்களை இந்த வலைத்தளத்தின் ஆங்கிலப் பகுதியில் காணவும்.

ஹிந்து சமய மன்றத்தின் இரண்டு நாள் ஆசிரியர் பயிற்சி முகாம்
24 ஜூன் 2018 ஏனாத்தூர் சங்கரா கல்லூரி வளாகத்தில் இரண்டு நாட்கள் பள்ளி ஆசிரியர்களுக்கானப் பயிற்சி முகாமை ஹிந்து சமய மன்றத்தினர் நடத்தினர். இப்பயிற்சியின் கடைசி நாள் நிகழ்ச்சி காஞ்சி ஸ்ரீமடத்தில் பூஜ்யஸ்ரீ சங்கர விஜயேந்திர ஸரஸ்வதி சங்கராசார்யார் ஸ்வாமிகளின் முன்னிலையில் நடைபெற்றது. பூஜ்யஸ்ரீ ஸ்வாமிகள் பயிற்சியில் கலந்து கொண்டவர்களுக்கு அனுக்ரஹ பாஷணம் தந்து அவர்களை ஆசீர்வதித்தார். இந்த நிகழ்ச்சியின் நிழற்படங்களை இந்த வலைத்தளத்தின் ஆங்கிலப் பகுதியில் காணவும்.

ஓரிக்கை மஹாஸ்வாமி மணிமண்டபம் கும்பாபிஷேகம் - 22 ஜூன் 2018
22 ஜூன் 2018 அன்று பூஜ்யஸ்ரீ சங்கர விஜயேந்திர ஸரஸ்வதி சங்கராசார்ய ஸ்வாமிகளால் காஞ்சீபுரம் அருகிலிருக்கும் ஓரிக்கையில் அமைந்துள்ள பூஜ்யஸ்ரீ மஹாஸ்வாமிகள் மணிமண்டப வளாகத்தில் புதிதாகக் கட்டப்பட்டுள்ள நந்தி மண்டபம் மற்றும் ராஜகோபுரத்தின் மஹாகும்பாபிஷேகம் நடைபெற்றது. இந்த நிகழ்ச்சிகளின் நிழற்படங்களை இந்த வலைத்தளத்தின் ஆங்கிலப் பகுதியில் காணவும்.

பூஜ்யஸ்ரீ ஜெயேந்திர சரஸ்வதி சங்கராசார்ய ஸ்வாமிகளின் சமாதியில் ம்ருத்திகா சமர்ப்பணம்
2018 ஜூன் 17, 18 நமது பாரத தேசம், நேபால், கைலாஷ் மானசரோவர் முதலிய தேசங்களிலிருக்கும் முக்கிய புண்ணிய க்ஷேத்திரங்களிலிருந்தும் புண்ணிய நதிகளிலிருந்தும் கொண்டு வரப்பட்ட ம்ருத்திகாவை (மண்) வேத முழக்கங்களும் சங்கராசார்யாரின் ஸ்தோத்திர முழக்கங்களுடன் பூஜ்யஸ்ரீ ஜெயேந்திர சரஸ்வதி சங்கராசார்ய ஸ்வாமிகளின் சமாதியில் பூஜ்யஸ்ரீ சங்கர விஜயேந்திர சரஸ்வதி சங்கராசார்ய ஸ்வாமிகள் ஜூன் மாதம் 17, 18 தேதிகளில் சமர்ப்பித்தார். பூஜ்யஸ்ரீ ஜெயேந்திர சரஸ்வதி சங்கராசார்ய ஸ்வாமிகள் தமது வாழ்நாளில் கால்நடையாகவும் வாகனங்களை உபயோகித்தும் பல இடங்களுக்கு - சார்தாம், சப்த மோக்‌ஷபுரி, சப்த நதி, த்வாதஸ ஜோதிர்லிங்க ஸ்தலங்கள் மற்றும் பல இடங்களுக்குப் பலமுறை பயணித்திருக்கிறார் என்பதை நாம் நினைவு கூர வேண்டும். ம்ருத்திகா (மண்) சேகரிக்கப்பட்ட புண்யஸ்தலங்களின் பட்டியல் இந்த வலைத்தளத்தின் ஆங்கிலப் பகுதியில் நிழற்படங்களுடன் கொடுக்கப்பட்டுள்ளது. தயவுசெய்து ஆங்கில வலைப்பகுதியையும் பார்க்கவும்.

ஸ்வாமிமலையில் வேத பாராயணம் - மே மாத, ஜூன் மாதத் தேதிகள்
ஸ்ரீகாஞ்சிகாமகோடி ஸ்வாமிமலை வேத பாராயணம் ட்ரஸ்ட் ஸ்ரீ ஆதிசங்கர பகவத்பாத ப்ரதிஷ்டாபீத மூலாம்னாய காஞ்சி காமகோடி பீடம் ஜகத்குரு சங்கராசார்ய ஸ்ரீ ஸ்ரீ ஸ்ரீ ஜயேந்திர சரஸ்வதி ஸ்வாமிகள் மற்றும் ஜகத்குரு சங்கராசார்ய ஸ்ரீ ஸ்ரீ ஸ்ரீ சங்கர விஜயேந்திர சரஸ்வதி ஸ்வாமிகளின் தெய்வீக அருளுடனும் ஆசிகளுடனும் ஸ்வாமிமலை மற்றும் திருவலஞ்சுழி கோவில்களில் வேத பாராயண நிகழ்ச்சிகள் மே மாதத்தில் நடைபெற்றன. இந்த மே மாத பாராயண விவரங்களும் நிழற்படங்களும் இந்த வலைத் தளத்தின் ஆங்கிலப் பகுதியில் பார்க்கவும். ஜூன் மாத வேத பாராயண நிகழ்ச்சிநிரல் கீழே கொடுக்கப்பட்டுள்ளது. 2-6-2018 சனிக்கிழமை - சங்கடஹர சதுர்த்தி - ரிக்வேத சம்ஹிதை பாராயணம் 12-6-2018 செவ்வாய்கிழமை - க்ருத்திகை - ரிக்வேத சம்ஹிதை பாராயணம் 18-6-2018 திங்கள்கிழமை - சுக்லசஷ்டி - ரிக், க்ருஷ்ண & சுக்ல யஜூர், கெளதம & ஜைமினி சாம வேதங்கள் பாராயணம் 25-6-2018 திங்கள்கிழமை - அனுஷம் - ரிக், க்ருஷ்ண & சுக்ல யஜூர், கெளதம & ஜைமினி சாம வேதங்கள் பாராயணம் பக்தர்கள் இந்த வேத பாராயண நிகழ்ச்சிகளில் பங்கேற்று வேதமாதா மற்றும் ஆசார்யர்களின் ஆசிபெறுமாறு கேட்டுக்கொள்ளப் படுகிறார்கள்.

பூஜ்யஸ்ரீ மஹாஸ்வாமிகளின் ஜயந்தி மஹோத்ஸவம் - 27 முதல் 29 மே 2018 வரை
பூஜ்யஸ்ரீ மஹாஸ்வாமி ஸ்ரீ ஸ்ரீ ஸ்ரீ சந்த்ரசேகரேந்திர ஸரஸ்வதி ஸ்வாமிகளின் ஜயந்தி மஹோத்ஸவம் காஞ்சிபுரம் காமகோடி பீடம் ஸ்ரீமடத்தில் மே மாதம் 27 முதல் 29 வரை சிறப்பாகக் கொண்டாடப்பட உள்ளது. பல்வேறு கலாசார மற்றும் ஆன்மீக நிகழ்ச்சிகள் இதனையொட்டி நடைபெற உள்ளன. ஜயந்தி தினமன்று (29 மே) ஸ்ரீமஹாருத்ர பாராயண ஜப ஹோமம் காலை 7:30 முதல் நடைபெற உள்ளது. அனைத்து ஆஸ்திக ஜனங்களும் இந்த நிகழ்ச்சிகளில் பங்கேற்று பூஜ்யஸ்ரீ ஆசார்யாளின் ஆசிகளைப் பெறுமாறு வேண்டிக் கொள்கிறோம். விரிவான நிகழ்ச்சி நிரல் இந்தப் பகுதியின் ஆங்கிலப் பகுதியில் காணவும்.

பூஜ்யஸ்ரீ ஜயேந்திர ஸரஸ்வதி சங்கராசார்ய ஸ்வாமிகளுக்கு ஸாதுக்களின் ஸ்ரத்தாஞ்ஜலி
3 மார்ச் 2018 உலகத்தின் பல்வேறு நாடுகளிலிருந்து சாதுக்கள் காஞ்சி ஸ்ரீமடத்திற்கு வந்து பூஜ்யஸ்ரீ ஜயேந்திர ஸரஸ்வதி சங்கராசார்ய ஸ்வாமிகளுக்கு புஷ்பாஞ்சலி செலுத்தி மரியாதை செய்தார்கள். இந்த சாதுக்கள் ஆப்கானிஸ்தான், பாகிஸ்தான், பங்களாதேஷ், பூடான், நேபால், ஸ்ரீலங்கா, மற்றும் இந்தோனேஷியா நாடுகளிலிருந்து வந்தனர் என்பது குறிப்பிடத்தக்கது. இந்த சாதுக்களின் வருகையின் போது எடுக்கப்பட்ட நிழல்படங்களை இந்த வலைத்தளத்தின் ஆங்கிலப் பகுதியில் பார்க்கவும்.

ஸ்ரீ சங்கர ஜயந்தி மஹோத்ஸவம் - 16 முதல் 20 ஏப்ரல் 2018
ஜகத்குரு பூஜ்யஸ்ரீ சங்கராசார்ய ஸ்வாமிகளின் ஆசிகளுடன் காஞ்சி ஸ்ரீமடத்தில் ஆதி சங்கர பகவத்பாதாளின் ஜயந்தி உத்ஸவம், சங்கர ஜயந்தி ஏப்ரல் 16 முதல் 20 வரை கொண்டாடப் பட உள்ளது. இந்த உத்ஸவத்தை முன்னிட்டு வேத பாராயணம், பாஷ்ய பாராயணம், பஜனைகள், ஸ்லோக பாராயணம் மற்றும் உபன்யாஸங்கள் நடைபெற உள்ளன. 20 ஏப்ரல், வெள்ளிக்கிழமை, சங்கர ஜயந்தி அன்று காலை மஹான்யாஸம் ருத்ர ஜபத்துடன் தொடங்கவிருக்கும் உத்ஸவம் அன்று பிற்பகல் ஆசார்யாளுக்கு ருத்ராபிஷேகத்துடன் நிறைவுறும். பக்தர்கள் அனைவரும் இந்த வைபவங்களில் பங்கேற்று ஆசார்யாளின் ஆசிகளுடன் நமது குருபரம்பரையின் ஆசிகளையும் பெறுவதற்கு அழைக்கப் படுகிறார்கள். நிகழ்ச்சி நிரல் இந்த வலைத்தளத்தின் ஆங்கிலப் பகுதியில் பார்க்கவும்.

பூஜ்யஸ்ரீ ஜயேந்திர ஸரஸ்வதி சங்கராசார்ய ஸ்வாமிகளின் ஆராதனை - 13 மார்ச் 2018
காஞ்சிபுரம் ஸ்ரீமடத்தில் பூஜ்யஸ்ரீ ஜயேந்திர ஸரஸ்வதி சங்கராசார்ய ஸ்வாமிகளின் ஆராதனை 13 மார்ச் 2018 அன்று காலை 9 மணியிலிருந்து நடைபெற உள்ளது.

1 மார்ச் 2018 - பூஜ்யஸ்ரீ ஜயேந்திர ஸரஸ்வதி சங்கராசார்ய ஸ்வாமிகளின் ப்ருந்தாவனதில் தீபாராதனையும் பூஜையும் நடைபெற்றன
மார்ச் 1, 2018 அன்று மாலை பூஜ்யஸ்ரீ சங்கர விஜயேந்திர ஸரஸ்வதி சங்கராசார்ய ஸ்வாமிகள் 69ஆவது பீடாதிபதிகளின் ப்ருந்தாவனதிற்கு, அபிஷேகம், ஆராதனை, பூஜை தீபாராதனை செய்தார். பக்தர்கள் ப்ருந்தாவனத்திற்கு முன்னர் அமர்ந்து, பஜனைப் பாடல்கள் பாடி சங்கீத சமர்ப்பணம் செய்தனர். இந்த நிகழ்ச்சிகளின் நிழல் படங்களை இந்த வலைத்தளத்தின் ஆங்கிலப் பகுதியில் காணவும்.

பூஜ்யஸ்ரீ ஜயேந்திர ஸரஸ்வதி சங்கராசார்ய ஸ்வாமிகள் ஸித்தி அடைந்தார் - 28 பிப்ரவரி 2018
சுக்ல த்ரயோதஸி - 28 பிப்ரவரி 2018 - அன்று ஸ்ரீ காஞ்சி காமகோடி பீடம் சங்கர மடம், காஞ்சிபுரத்தில் ஸ்ரீ காஞ்சி காமகோடி பீடத்தின் 69ஆவது ஆசார்யர், ஜகத்குரு பூஜ்யஸ்ரீ ஜயேந்திர ஸரஸ்வதி சங்கராசார்ய ஸ்வாமிகள் ஸித்தி அடைந்தார். 1 மார்ச் 2018 அன்று அவரது ப்ருந்தாவன ப்ரவேச கார்யக்ரமம் ஆரம்பித்தது. பூஜ்யஸ்ரீ சங்கர விஜயேந்திர ஸரஸ்வதி சங்கராசார்ய ஸ்வாமிகள் மிகப் பெரும் வேத விற்பன்னர்களின் வேத கோஷங்களுக்கிடையில் த்ரவ்யாபிஷேகம் செய்தார். காஞ்சிபுரம் மற்றும் தமிழ்நாட்டிலிருக்கும் கோவில்களிலிருந்து ப்ரசாதங்கள் வந்த வண்ணம் இருந்தன. மேலும் திருமலா திருப்பதி தேவஸ்தானத்திலிருந்து திருப்பதி வேங்கடேஸ்வர ஸ்வாமி ப்ரசாதமும் வந்தது. தலைவர்களிலிருந்து பொது மக்கள் வரை அனைத்து மக்களும் தங்கள் வணக்கங்களையும் மரியாதையையும் தெரிவித்த வண்ணம் இருந்தனர். அதன்பின் பூஜ்யஸ்ரீ ஜயேந்திர ஸரஸ்வதி சங்கராசார்ய ஸ்வாமிகளின் ப்ருந்தாவன ப்ரவேசம் நடைபெற்றது. இரண்டு நாட்களுக்கு முன்னர் ஸ்வாமிகளின் ஆசி பெற்ற தமிழ்நாடு ஆளுநர் ஸ்ரீ பந்வாரிலால் புரோஹித் இந்த நிகழ்ச்சியில் பங்கேற்றார். இந்த நிகழ்ச்சியின் நிழல் படங்களை இந்த வலைத்தளத்தின் ஆங்கிலப் பகுதியில் காணவும்.

திரிவேணி சங்கமத்திலுள்ள ஆதி சங்கர விமான மண்டபத் திருப்பணி
உத்திரப் பிரதேசத்தில் அலகாபாதிலிருக்கும் திரிவேணி சங்கமத்தில் ஆதி சங்கர விமான மண்டபம் அமைந்துள்ளது. இந்த மண்டபத்தின் திருப்பணிக்கான திட்டத்தை பூஜ்யஸ்ரீ ஜயேந்திர சரஸ்வதி சங்கராசார்யார் ஸ்வாமிகளும் பூஜ்யஸ்ரீ விஜயேந்திர சரஸ்வதி சங்கராசார்யார் ஸ்வாமிகளும் ஆசி கூறி ஆரம்பிப்பதற்கான உத்தரவை அளித்துள்ளார்கள். இந்தத் திருப்பணிக்கான செலவு ரூபாய் ஒரு கோடி வரையிலாகும் என்று இதை நடத்தி வைக்க உள்ள ஸ்தபதி திரு க.ஜயேந்திர ஸ்தபதி அவர்கள் (அமரர் திரு கணபதி ஸ்தபதி அவர்களின் புதல்வர்) நமது ஆசார்யார்களிடம் கூறியுள்ளார். இந்தத் திட்டத்தை நடத்திவைக்க ஒரு குழு அமைக்கப் பட்டுள்ளது. இந்தக் குழுவின் உறுப்பினர்களான, அமரர் திரு சி.எஸ். ராமசந்திரா - ஐ.சி.எஸ் அவர்களின் புதல்வர்கள் திரு. சி.ஆர். இராஜேந்திரன் - பணி நிறைவு ஐ.ஏ.எஸ், திரு சி.ஆர்.சுந்தரமூர்த்தி - பணி நிறைவு ஐ.ஏ.ஏ.எஸ் மற்றும் திரு. ராமன் - பணி நிறைவு ஐ.ஏ.எஸ் ஆகியோர் இந்தத் திருப்பணியில் செய்யவிருக்கும் கட்டுமானம் மற்றும் மின்சாரப் பணிக்கான திட்டங்களை நமது ஆசார்யார்களுடன் பகிர்ந்து கொண்டு ஆசி பெற்றனர். காஞ்சி பரமாச்சார்யார் பூஜ்யஸ்ரீ சந்திரசேகரேந்திர சரஸ்வதி மஹாஸ்வாமிகளின் தெய்வீக ஆசிகளுடன் கட்டப்பட்டு, பூஜ்யஸ்ரீ ஜயேந்திர சரஸ்வதி சங்கராசார்ய ஸ்வாமிகளால் 1970 -80 இல் துவக்கி வைக்கப்பட்ட இந்த ஆதி சங்கர விமான மண்டபம் , அமரர் திரு கணபதி ஸ்தபதி அவர்களால் கட்டப்பட்டது என்பதும் இதைக் கட்டுவதற்கான பொறுப்பை அமரர் திரு சி.எஸ்.ராமசந்திரன் - ஐ.சி.எஸ். அவர்கள் மேற்கொண்டார்கள் என்பதும் குறிப்பிடத்தக்கது. தற்பொழுது இந்த அமரர்களின் புதல்வர்கள் இந்த மண்டபத்தின் திருப்பணிக் குழுவில் தீவிரமாக வேலை செய்வது மிகவும் குறிப்பிடத்தக்கது. இந்த மண்டபம் ஸகஸ்ர லிங்கம், பாலாஜி, ஆதி சங்கரர் மற்றும் ஷண்மத தெய்வங்களுக்கான சன்னிதிகளுடன் மூன்று அடுக்குக் கட்டிடமாக அமைக்கப்பட்டுள்ளது. இந்த மண்டபம் திரிவேணி சங்கமத்தின் கரையிலேயே அமைந்திருப்பதால், திரிவேணியில் ஸ்நானம் செய்து எழும் பக்தர்கள், ஸ்நானம் முடித்துத் தலை தூக்கும் போது இந்த மண்டபத்தின் மேல் சிகரத்தைப் பார்க்கும்படி அமைத்திருப்பது மிகவும் சந்தோஷத்திற்குரியது. திரிவேணியில் நீர் நிறைந்து வெள்ளமாக இருக்கும் பொழுது இந்த மண்டபத்தின் சிகரம் மட்டும் கண்ணில் படுவது, தெப்போத்ஸவம் நடப்பது போன்ற அழகான காட்சியைத் தருகிறது. இந்த மண்டபத்தில் நின்றுகொண்டு தான் தொலைக்காட்சி நிறுவனங்கள் கும்பமேளா நிகழ்வுகளைப் படம் பிடிப்பார்கள் என்பது குறிப்பிடத் தக்கது. 2018 டிசம்பர் முதல் 2019 ஜனவரி வரை நடைபெறவிருக்கும் அர்தகும்பமேளா தொடங்குவதற்கு முன் இந்தத் திருப்பணியை முடிக்கவேண்டும் என்பது நமது மடாதிபதிகளின் ஆவல். இந்தத் திருப்பணியில் பணம் செலுத்திப் பங்குபெற விழையும் பக்தர்கள் kanchimutt@gmail.com என்ற முகவரிக்கு எழுதி தங்கள் விருப்பத்தைத் தெரிவிக்கலாம். பணம் செலுத்துவதற்கான மேல்விவரங்கள் விரைவில் தரப்படும். ஜெய ஜெய சங்கர! ஹர ஹர சங்கர!!

காஞ்சி காமாக்ஷி அம்பாள் கோவில் ப்ரஹ்மோத்ஸவம் - 2018 பிப்ரவரி 19 முதல் மார்ச் 3 வரை
பூஜ்யஸ்ரீ ஜயேந்திர சரஸ்வதி சங்கராசார்யார் ஸ்வாமிகள் மற்றும் பூஜ்யஸ்ரீ விஜயேந்திர சரஸ்வதி சங்கராசார்யார் ஸ்வாமிகளின் தெய்வீக ஆசிகளுடன் 2018 பிப்ரவரி மாதம் 19 முதல் மார்ச் 3 வரை காஞ்சிபுரத்திலுள்ள அருள்மிகு காமாக்ஷி அம்பாள் கோவில் ப்ரமோத்ஸவம் நடைபெறவுள்ளது. இந்த வைபவத்தில் பக்தர்கள் அனைவரும் கலந்து கொண்டு அம்பாளின் அருள் பெறப் பிரார்த்திக்கிறோம். ப்ரமோத்ஸவத்தின் அழைப்பிதழை இந்தத் தளத்தின் ஆங்கிலப் பகுதியில் காணவும்.

பூர்வ (கிழக்கு) திருப்பதி பாலாஜி கோவில், குவஹாதி, அஸ்ஸாம் - ப்ரஹ்மோத்ஸவம் - 20 பிப்ரவி முதல் 1 மார்ச் 2018 வரை
பூஜ்யஸ்ரீ ஜயேந்திர சரஸ்வதி சங்கராசார்ய ஸ்வாமிகள்ம ற்றும் பூஜ்யஸ்ரீ விஜயேந்திர சரஸ்வதி சங்கராசார்ய ஸ்வாமிகள் அவர்களின் தெய்வீக ஆசிகளுடன் அஸ்ஸாம் குவஹாதியில் அமைந்துள்ள கிழக்கு திருப்பதி பாலாஜி கோவிலின் ப்ரஹ்மோத்ஸவம் 2018 பிப்ரவரி 20 முதல் மார்ச் மாதம் 1 வரை விமரிசையாக நடைபெறவுள்ளது. இந்த வைபவத்தில் ஹோமங்களும், வேத பாராயணமும் நடைபெறவுள்ளன. பாலாஜியும் தாயாரும் மிக விசேஷ அலங்காரங்களுடன் சேவை சாதிக்க உள்ளனர். அனைத்து பக்தர்களும் இந்த ப்ரஹ்மோத்ஸவத்தில் பங்கு கொண்டு பெருமாள் தாயாரின் அருளுக்குப் பாத்திரராகுமாறு கேட்டுக் கொள்ளப்படுகிறார்கள். ப்ரஹ்மோத்ஸவத்தின் அழைப்பிதழ் ஆங்கில செய்திப் பக்கத்தில் தரப்பட்டுள்ளது.

பரஸுராம் குண்ட் யாத்திரை - அருணாசல் பிரதேசம் - 11 முதல் 16 ஜனவரி 2018
காஞ்சி ஸ்ரீமடத்தின் 69ஆவது பீடாதிபதி பூஜ்யஸ்ரீ ஜயேந்த்ர சரஸ்வதி சங்கராசார்ய ஸ்வாமிகள் மற்றும் 70ஆவது பீடாதிபதி பூஜ்யஸ்ரீ விஜயேந்த்ர சரஸ்வதி சங்கராசார்ய ஸ்வாமிகளின் ஆசிகளுடன் மகர சங்கராந்தி பண்டிகைக்காலத்தில் அருணாசல் பிரதேசத்திலிருக்கும் பரஸுராம் குண்ட் யாத்திரை நடைபெற்றது. இந்த யாத்திரை ஜனவரி 11 முதல் 16 வரை நடைபெற்றது. இந்த யாத்திரையின் ஒரு முக்கிய அம்சமாக, யாத்ரிகள், பொங்கல் பண்டிகையை நமது சம்பிரதாய முறையில் பொங்கல் பானை வைத்து, கோலம், கும்மி நடனத்துடன் சிறப்பாகக் கொண்டாடினர். இந்த யாத்திரையின் நிழல் படங்களை ஆங்கிலப் பகுதியில் காணலாம்.