संस्कृतवार्ताः |
काञ्चीपुरस्य श्रीमठे पूज्यश्री शङ्कर विजयेन्द्रसरस्वतीस्वामिनां जयन्ती महोत्सव: आचरित:। प्रात:काले श्रीमठे जयन्तीदिन महोत्सव कार्याणि सुप्रभातेन पूज्यश्री आचार्याणां विश्वरूपदर्शनेन च साकमारब्धानि। श्रीमठस्य नादस्वर विदुषां मङ्गल नादेन शुभदिनस्य शुभारम्भोऽभवत्। |
२ मार्च २०१६ माघ कृष्णाष्टम्यां पूज्यश्री जयेन्द्रसरस्वतीस्वामिनां पूज्यश्री विजयेन्द्रसरस्वतीस्वामिनाञ्च दिव्य सन्निधौ श्री काञ्ची कामकोटी पीठस्य ६६तम आचार्याणां पूज्यश्री चन्द्रशेखरेन्द्रसरस्वती शङ्कराचार्यस्वामिनामाराधनमनुष्ठितम्। |
श्व: (५ मार्च २०१६) काञ्चीपुरस्य श्रीमठे पूज्यश्री शङ्कर विजयेन्द्रसरस्वतीस्वामिनां जयन्ती महोत्सव: आचरित: भविष्यति। |
अद्य सायंकाले षड्वादने टी नगरे वर्तमानायां वाणी महाल् नाम सङ्गीतसभायां पूज्यश्री शङ्कर विजयेन्द्रसरस्वतीस्वामिन: नाम सङ्कीर्तन वैभवमनुगृह्य काण्पुर् श्री महादेव भागवताय श्री काञ्ची महास्वामी नाम सुधा वाणी नाम पुरस्कारं प्रदास्यन्ति। |
अनुष: - स्वर्ण रथ: - १ मार्च २०१६ |
ब्रह्मपुरे पूज्यश्री शङ्कर विजयेन्द्रसरस्वतीस्वामिन: त्रिकालपूजामकुर्वन्। तत: पूज्यश्री आचार्या: ब्रह्मपुरात् अष्टक्रोशे वर्तमानं कूत्तियम्पेट्टै नाम ग्राममभ्यागता:। पूज्यश्री आचार्या: विष्णु मन्दिरे आहृता:। |
पूज्यश्री शङ्कर विजयेन्द्रसरस्वतीशङ्कराचार्यस्वामिन: पोन्सेय् इत्यस्मिन् स्थले वर्तमानं शीतलादेव्या: मन्दिरमभ्यागता:। तÒन्दिरं मायूरपुरी - पूम्पुहार् चेत्येतयो: मार्गात् किडारङ्कोण्डानित्यस्यस्थान समीपे मायूरपुरी - आक्कूर् चेत्येतयोर्मार्गे वर्तते। पोन्सेय् नाम ग्रामं सेम्बनार्मन्दिरात् ४ क्रोशे करुवी इत्यस्मात् स्थलाच्च ३.५ क्रोशे वर्तते। किडारङ्कोण्डान् अग्रहार:, किराङ्कोण्डान् पत्रालयश्च अन्ये स्थण्डिले। इदानीं श्रीकार्याणि प्रचलन्ति। शिलायां अति सुन्दररीत्या मण्डपा: पुनर्निर्मिता:। मन्दिरस्य तडाग: नवीकृत:। पूज्यश्री आचार्या: मन्दिरं अग्रहारञ्चाभ्यागता:। |
१८ २ २०१६ |
१८ २ २०१६ |
कुम्भघोणस्य श्रीमठे भजनम् |
१६ २ २०१६ पूज्यश्री शङ्कर विजयेन्द्रसरस्वतीस्वामिन: कुम्भघोणे भक्तपुरी वीथ्यां कल्याणपुरं धर्म संस्थापनस्य श्रौत विद्या पाठशालां, मीनाक्षी सुन्दरेश्वरस्य मन्दिरञ्चाभ्यागता:। श्रौत विद्या पाठशालायां पूज्यश्री आचार्याणामनुग्रह भाषणमभवत्। |
१४ २ २०१६ पूज्यश्री शङ्कर विजयेन्द्रसरस्वतीस्वामिन: कुम्भघोणात् ३५ क्रोश दूरे, अणैकरै नाम ग्रामात् १० क्रोश दूरे च वर्तमानं सिरुक्कट्टूर् ग्राममभ्यागता:। पूज्यश्री आचार्या: अग्रहार वीथ्यां विनायक मन्दिरं, एकाम्रेश्वर मन्दिरं, बङ्गारु कामाक्षी मन्दिरञ्चाभ्यागता:। तत: नवनिर्मित काञ्ची परमाचार्य प्रार्थना मन्दिरस्य उद्घाटनं कृता:। ६२ वर्षेभ्य: पूर्वं स: ग्राम: महनीय महास्वामिभि: अनुगृहीत: इति पूज्यश्री आचार्या: संस्कृत भाषायां आत्मना कृत स्वागत भाषणे उक्तवन्त:। पूज्यश्री आचार्या: अनुग्रह भाषणं कृतवन्त:, श्रीमठेन सह सम्बन्धित प्राचीन ग्रामस्य प्रार्थना मन्दिरस्य तत्रत्यानां भक्तानामुद्यमं श्लाघितवन्तश्च। |
राममन्दिराय अभ्यागमनम् - १४ फिब्रवरी २०१६ १४ फिब्रवरी २०१६ भानुवासरे पूज्यश्री शङ्कर विजयेन्द्रसरस्वतीस्वामिन: राममन्दिरमभ्यागता: शुक्ल यजुर्वेद पारायण कार्यक्रममनुगृहीतवन्तश्च। बहु वर्षादारभ्य एतत् मन्दिरं वेद धर्म शास्त्र परिपालन सम्मेलनानि, वेद पारायणानि, चान्य धार्मिक कार्यक्रमान् चालयदस्ति। महामहोत्सवमुद्दिश्य अशीत्यधिक शुक्ल यजुर्वेद पण्डिता: शुक्ल यजुर्वेद पारायणं कुर्वन्ति। पूज्यश्री आचार्या: स्व अनुग्रह भाषणेन सम्मेलनमनुगृहीतवन्त:। |
१५ २ २०१६ पूज्यश्री शङ्कर विजयेन्द्रसरस्वतीस्वामिन: सेम्मङ्गुडी ग्रामे ऐ टी ऐ संस्थापनमभ्यागता:। इदं तु त्रिंशद्वर्ष पुराणं स्थापनम्। अनेन स्थापनेन वैद्युतकशास्त्रम्, वातनियन्त्रकसन्धानम्, जलनालिकाशिल्पम्, धातुसंयोजनम्, यन्त्रशास्त्रम् इत्यादिषु क्षेत्रेषु सप्तसहस्राधिक पाटविकजनेभ्य: प्रशिक्षणं प्रदत्तम् भवति। समीपस्थ कोळत्तूर् ग्रामस्य श्रीमठस्य भक्तजनै: अस्या: संस्थाया: निर्वाह: कृत: भवति। श्रव्यसञ्चिका संयोजिता - सेम्मङ्गुडी ग्रामे ऐ टी ऐ इत्यत्र छात्रेभ्य: पूज्यश्री शङ्कर विजयेन्द्रसरस्वतीस्वामिभि: प्रदत्तमनुग्रह भाषणम्। - अनुग्रह भाषणं |
कल्वैत्त वारम् - कुम्भकोणम् - १४ फिब्रवरी २०१६ |
१३ २ २०१६ शनिवासरे मुल्लैवासल् ग्रामत: प्रत्यागमन समये पूज्यश्री शङ्कर विजयेन्द्रसरस्वतीस्वामिन: पेरम्बूर् आलङ्गुडी ग्रामावभ्यागता:। पूज्यश्री आचार्या: पेरम्बूर् ग्रामे भजन मठं, शिवमन्दिरं, पेरुमाळ्मन्दिरञ्च, आलङ्गुडी ग्रामे भजन मठञ्चाभ्यागता:। |
शनिवासरे १३ २ २०१६ पूज्यश्री शङ्कर विजयेन्द्रसरस्वतीस्वामिन: नीडामङ्गलसमीपस्थ मुल्लैवासल् ग्राममभ्यागता:। पूज्यश्री आचार्या: शिवमन्दिरं पेरुमाळ्मन्दिरञ्चाभ्यागता:। तत्र वर्तमान तीर्थस्य नाम मृगपदतीर्थम्। तत्तीर्थं हरिणेन खातमिति कारणेन तस्य तीर्थस्य नाम मृगपद तीर्थमिति महामहोपाध्याय: श्री कृष्णमूर्ति महोदय: उक्तवान्। पूज्यश्री आचार्या: अनुग्रह भाषणं दत्तवन्त:। कुम्भकोणे श्री मठाय प्रत्यागमनात् पूर्वं पूज्यश्री आचार्या: ग्रामद्वयमभ्यागता:। |