ভ্রমরাম্বাষ্টকম
চাঞ্চল্য়ারুণলোচনাঞ্চিতকৃপাং চন্দ্রার্ধচূডামণিং
চারুস্মেরমুখাং চরাচরজগত্সংরক্ষিণীং তত্পদাম|
চঞ্চচ্চম্পকনাসিকাগ্রবিলসন্মুক্তামণীরংজিতাং
শ্রীশৈলস্থলবাসিনীং ভগবতীং শ্রীমাতরং ভাবয়ে||১||
কস্তূরীতিলকাঞ্চিতেংদুবিলসত্প্রোদ্বাসিফালস্থলীং
কর্পূরদ্রবমিশ্রচূর্ণখদিরামোদোল্লসদ্বীটিকাম|
লোলাপাঙ্গতরংগিতৈরতিকৃপাসারৈর্নতানন্দিনীং
শ্রীশৈলস্থলবাসিনীং ভগবতীং শ্রীমাতরং ভাবয়ে||২||
রাজন্মত্তমরালমন্দগমনাং রাজীবপত্রেক্ষণাং
রাজীবপ্রভবাদিদেবমকুটৈ রাজত্পদাম্ভোরুহাম|
রাজীবায়তপত্রমণ্ডিতকুচাং রাজাধিরাজেশ্বরীং
শ্রীশৈলস্থলবাসিনীং ভগবতীং শ্রীমাতরং ভাবয়ে||৩||
ষট্তারাংগণদীপিকাং শিবসতীং ষড্বৈরিবর্গাপহাং
ষট্চক্রান্তরস্থিতাং বরসুধাং ষড্য়োগিনীবেষ্টিতাম|
ষট্চক্রাংতিচিতপাদুকাংচিতপদাং ষড্ভাবগাং ষোডশীং
শ্রীশৈলস্থলবাসিনীং ভগবতীং শ্রীমাতরং ভাবয়ে||৪||
শ্রীনাথাদৃতপালিতত্রিভুবনাং শ্রীচক্রসংচারিণীং
গানাসক্তমনোজয়ৌবনলসদ্গংধর্বকন্য়াদৃতাম|
দীনানামতিবেলভাগ্য়জননীং দিব্য়াম্বরালঙ্কৃতাং
শ্রীশৈলস্থলবাসিনীং ভগবতীং শ্রীমাতরং ভাবয়ে||৫||
লাবণ্য়াধিকভূষিতাঙ্গলতিকাং লাক্ষালসদ্রাগিণীং
সেবায়াতসমস্তদেববনিতাসীমন্তভূষান্বিতাম|
ভাবোল্লাসবশীকৃতপ্রিয়তমাং ভণ্ডাসুরচ্ছেদিনীং
শ্রীশৈলস্থলবাসিনীং ভগবতীং শ্রীমাতরং ভাবয়ে||৬||
ধন্য়াং সোমবিভাবনীয়চরিতাং ধারাধরশ্য়ামলাং
মুন্য়ারাধনমোদিনীং সুমনসাং মুক্তিপ্রধানব্রতাম|
কন্য়াপূজনসুপ্রসন্নহৃদয়াং কাঞ্চীলসন্মধ্য়মাং
শ্রীশৈলস্থলবাসিনীং ভগবতীং শ্রীমাতরং ভাবয়ে||৭||
কর্পূরাগরুকুঙ্কুমাঙ্কিতকুচাং কর্পূরবর্ণস্থিতাং
কৃষ্টোত্কৃষ্টসুকৃষ্টকর্মদহনাং কামেশ্বরীং কামিনীং|
কামাক্ষীং করুণারসার্দ্রহৃদয়াং কল্পান্তরস্থায়িনীং
শ্রীশৈলস্থলবাসিনীং ভগবতীং শ্রীমাতরং ভাবয়ে||৮||
গায়ত্রীং গরুডধ্বজাং গগনগাং গান্ধর্বগানপ্রিয়াং
গম্ভীরাং গজগামিনীং গিরিসুতাং গন্ধাক্ষতালঙ্কৃতাম|
গংগাগৌতমগর্গসন্নুতপদাং গাং গৌতমীং গোমতীং
শ্রীশৈলস্থলবাসিনীং ভগবতীং শ্রীমাতরং ভাবয়ে||৯||
জয় জয় শঙ্কর হর হর শঙ্কর