ગૌરીદશકમ
લીલારબ્ધસ્થાપિતલુપ્તાખિલલોકાં
લોકાતીતૈર્યોગિભિરન્તશ્ચિરમૃગ્યામ|
બાલાદિત્યશ્રેણિસમાનદ્યુતિપુંજાં
ગૌરીમમ્બામમ્બુરુહાક્ષીમહમીડે||૧||
પ્રત્યાહારધ્યાનસમાધિસ્થિતિભાજાં
નિત્યં ચિત્તે નિર્વૃતિકાષ્ટાં કલયંતીમ|
સત્યજ્ઞાનાનન્દમયીં તાં તનુરૂપાં
ગૌરીમમ્બામમ્બુરુહાક્ષીમહમીડે||૨||
ચન્દ્રાપીડાનન્દિતમન્દસ્મિતવક્ત્રાં
ચન્દ્રાપીડાલંકૃતનીલાલકશોભામ|
ઇંદ્રોપેંદ્રાદ્યર્ચિતપાદામ્બુજયુગ્માં
ગૌરીમમ્બામમ્બુરુહાક્ષીમહમીડે||૩||
આદિક્ષાન્તામક્ષરમૂર્ત્યા વિલસન્તીં
ભૂતે ભૂતે ભૂતકદંબપ્રસવિત્રીમ|
શબ્દબ્રહ્માનંદમયીં તાં તટિદાભાં
ગૌરીમંબામંબુરુહાક્ષીમહમીડે||૪||
મૂલાધારાદુત્થિતવીથ્યા વિધિરન્ધ્રં
સૌરં ચાન્દ્રં વ્યાપ્ય વિહારજ્વલિતાઙ્ગીમ|
યેયં સૂક્ષ્માત્સૂક્ષ્મતનુસ્તાં સુખરૂપાં
ગૌરીમંબામમ્બુરુહાક્ષીમહમીડે||૫||
નિત્યઃ શુદ્ધો નિષ્કલ એકો જગદીશઃ
સાક્ષી યસ્યાઃ સર્ગવિધૌ સંહરણે ચ|
વિશ્વત્રાણક્રીડનલોલાં શિવપત્નીં
ગૌરીમમ્બામમ્બુરુહાક્ષીમહમીડે||૬||
યસ્યાઃ કુક્ષૌ લીનમખણ્ડં જગદણ્ડં
ભૂયોભૂયઃ પ્રાદુરભૂદુત્થિતમેવ|
પત્યા સાર્ધં તાં રજતાદ્રૌ વિહરન્તીં
ગૌરીમમ્બામમ્બુરુહાક્ષીમહમીડે||૭||
યસ્યામોતં પ્રોતમશેષં મણિમાલા
સૂત્રે યદ્વત ક્વાપિ ચરં ચાપ્યચરં ચ|
તામધ્યાત્મજ્ઞાનપદવ્યા ગમનીયાં
ગૌરીમમ્બામમ્બુરુહાક્ષીમહમીડે||૮||
નાનાકારૈઃ શક્તિકદમ્બૈર્ભુવનાનિ
વાપ્ય સ્વૈરં ક્રીડતિ યેયં સ્વયમેકા|
કલ્યાણીં તાં કલ્પલતામાનતિભાજાં
ગૌરીમમ્બામમ્બુરુહાક્ષીમહમીડે||૯||
આશાપાશક્લેશવિનાશં વિદધાનાં
પાદામ્ભોજધ્યાનપરાણાં પુરુષાણામ|
ઈશામીશાર્ધાઙ્ગહરાં તામભિરામાં
ગૌરીમમ્બામમ્બુરુહાક્ષીમહમીડે||૧૦||
પ્રાતઃકાલે ભાવવિશુદ્ધઃ પ્રણિધાના-
દ્ભક્ત્યા નિત્યં જલ્પતિ ગૌરીદશકં યઃ|
વાચાં સિદ્ધિં સંપદમગ્ર્યાં શિવભક્તિં
તશ્યાવશ્યં પર્વતપુત્રી વિદધાતિ||૧૧||
જય જય શઙ્કર હર હર શઙ્કર