মংত্রমাতৃকাপুষ্পমালাস্তবঃ
কল্লোলোল্লসিতামৃতাব্ধিলহরীমধ্য়ে বিরাজন্মণি-
দ্বীপে কল্পকবাটিকাপরিবৃতে কাদম্ববাট্য়ুজ্জ্বলে|
রত্নস্তংভসহস্রনির্মিতসভামধ্য়ে বিমানোত্তমে
চিন্তারত্নবিনির্মিতং জননি তে সিংহাসনং ভাবয়ে||১||
এণাংকানলভানুমংডললসচ্ছ্রীচক্রমধ্য়ে স্থিতাং
বালার্কদ্য়ুতিভাসুরাং করতলৈঃ পাশাঙ্কুশৌ বিভ্রতীম|
চাপং বাণমপি প্রসন্নবদনং কৌসুম্ভবস্ত্রান্বিতাং
তাং ত্বাং চন্দ্রকলাবতংসমকুটাং চারুস্মিতাং ভবয়ে||২||
ঈশানাদিপদং শিবৈকফলকং রত্নাসনং তে শুভং
পাদ্য়ং কুঙ্কুমচন্দনাদিভরিতৈরর্ঘ্য়ম সরত্নাক্ষতৈঃ|
শুদ্ধৈরাচমনীয়কং তব জলৈর্ভক্ত্য়া ময়া কল্পিতং
কারুণ্য়ামৃতবারিধে তদখিলং সংতুষ্টয়ে কল্পতাম||৩||
লক্ষ্য়ে য়োগিজনস্য় রক্ষিতজগজ্জালে বিশালেক্ষণে
প্রালেয়াম্বুপটীরকুঙ্কুমলসত্কর্পূরমিশ্রোদকৈঃ|
গোক্ষীরৈরপি নারিকেলসলিলৈঃ শুদ্ধোদকৈর্মন্ত্রিতৈঃ
স্নানং দেবি ধিয়া ময়ৈতদখিলং সংতুষ্টয়ে কল্পতাম||৪||
হ্রীংকারাঙ্কিতমন্ত্রলক্ষিততনো হেমাচলাত্সঞ্চিতৈঃ
রত্নৈরুজ্জ্বলমুত্তরীয়সহিতং কৌসুম্ভবর্ণাংশুকম|
মুক্তাসংততিয়জ্ঞসূত্রমমলং সৌবর্ণতন্তূদ্ভবং
দত্তং দেবি ধিয়া ময়ৈতদখিলং সন্তুষ্টয়ে কল্পতাম||৫||
হংসৈরপ্য়তিলোভনীয়গমনে হারাবলীমুজ্জ্বলাং
হিন্দোলদ্য়ুতিহীরপূরিততরে হেমাঙ্গদে কঙ্কণে|
মঞ্জীরৌ মণিকুণ্ডলে মকুটমপ্য়র্ধেংদুচূডামণিং
নাসামৌক্তিকমঙ্গুলীয়কটকৌ কাঞ্চীমপি স্বীকুরু||৬||
সর্বাঙ্গে ঘনসারকুঙ্কুমঘনশ্রীগন্ধপঙ্কাংকিতং
কস্তূরীতিলকং চ ফালফলকে গোরোচনাপত্রকম|
গণ্ডাদর্শনমংডলে নয়নয়োর্দিব্য়াঞ্জনং তেঽঞ্চিতং
কণ্ঠাব্জে মৃগনাভিপকমমলং ত্বত্প্রীতয়ে কল্পতাম||৭||
কল্হারোত্পলমল্লিকামরুবকৈঃ সৌবর্ণপঙ্কেরুহৈ-
র্জাতীচম্পকমালতীবকুলকৈর্মন্দারকুংদাদিভিঃ|
কেতাক্য়া করবীরকৈর্বহুবিধৈঃ ক্লৃপ্তাঃ স্রজোমালিকাঃ
সঙ্কল্পেন সমর্পয়ামি বরদে সন্তুষ্টয়ে গৃহ্য়তাম||৮||
হংতারং মদনস্য় নন্দয়সি য়ৈরঙ্গৈরনঙ্গোজ্জ্বলৈ
র্য়ৈর্ভৃঙ্গাবলিনীলকুংতলভরৈর্বধ্নাসি তস্য়াশয়ম|
তানীমানি তবাম্ব কোমলতরাণ্য়ামোদলীলাগৃহা
ণ্য়ামোদায় দশাঙ্গগুগ্গুলুঘৃতৈর্ধূপৈরহং ধূপয়ে||৯||
লক্ষ্মীমুজ্জ্বলয়ামি রত্ননিবহোদ্ভাস্বত্তরে মন্দিরে
মালারূপবিলম্বিতৈর্মণিময়স্তংভেষু সম্ভাবিতৈঃ|
চিত্রৈর্হাটকপুত্রিকাকরধৃতৈর্গব্য়ৈর্ঘৃতৈর্বর্ধিতৈ-
র্দিব্য়ৈর্দীপগণৈর্ধিয়া গিরিসুতে সন্তুষ্টয়ে কল্পতাম||১০||
হরীংকারেশ্বরি তপ্তহাটককৃতৈঃ স্থালীসহস্রৈর্ভৃতং
দিব্য়ান্নং ঘৃতসূপশাকভরিতং চিত্রান্নভেদং তদা|
দুগ্দান্নং মধুশর্করাদধিয়ুতং মাণিক্য়পাত্রে স্থিতং
মাষাপূপসহস্রমংব সকলং নৈবেদ্য়মাবেদয়ে||১১||
সচ্ছায়ৈর্বরকেতকীদলরুচা তাম্বূলবল্লীদলৈঃ
পূগৈর্ভূরিগুণৈঃ সুগন্ধিমধুরৈঃ কর্পূরখণ্ডোজ্জ্বলৈঃ|
মুক্তাচূর্ণবিরাজিতৈর্বহুবিধৈর্বক্ত্রাংবুজামোদনৈঃ
পূর্ণা রত্নকলাচিকা তব মুদে ন্য়স্তা পুরস্তাদুমে||১২||
কন্য়াভিঃ কমনীয়কান্তিভিরলঙ্কারামলারার্তিকা-
পাত্রে মৌক্তিকচিত্রপঙ্ক্তিবিলসত্কর্পূরদীপালিভিঃ|
তত্তত্তালমৃদঙ্গগীতসহীতং নৃত্য়ত্পদাংভোরুহং
মন্ত্রারাধনপূর্বকং সুবিহিতং নীরাজনং গৃহ্য়তাম||১৩||
লক্ষ্মীর্মৌক্তিকলক্ষকল্পিতসিতচ্ছত্রং তু ধত্তে রসা-
দিন্দ্রাণী চ রতিশ্চ চামরবরে ধত্তে স্বয়ং ভারতী|
বীণামেণবিলোচনাঃ সুমনসাং নৃত্য়ন্তি তদ্রাগব-
দ্ভাবৈরাঙ্গিকসাত্ত্বিকৈঃ স্ফুটরসং মাতস্তদাকর্ণ্য়তাম||১৪||
হ্রীংকারত্রয়সংপুটেন মনুনোপাস্য়ে ত্রয়ীমৌলিভি-
র্বাক্য়ৈর্লক্ষ্য়তনো তব স্তুতিবিধৌ কো বাক্ষ মেতাংবিকে|
সল্লাপাঃ স্তুতয়ঃ প্রদক্ষিণশতং সঞ্চার এবাস্তু তে
সংবেশো নমসঃ সহস্রমখিলং ত্বত্প্রীতয়ে কল্পতাম||১৫||
শ্রীমন্ত্রাক্ষতমালয়া গিরিসুতাং য়ঃ পূজয়েচ্চেতসা
সংধ্য়াসু প্রতিবাসরং সুনিয়তস্তস্য়ামলং স্য়ান্মনঃ|
চিত্তাম্ভোরুহমণ্টপে গিরিসুতানৃত্তং বিধত্তে রসা-
দ্বাণী বকত্রসরোরুহে জলধিজা গেহে জগন্মঙ্গলা||১৬||
ইতিগিরিবরপুত্রীপাদরাজীবভূষা
ভুবনমমলয়ন্তী সূক্তিসৌরভ্য়সারৈঃ|
শিবপদমকরন্দস্য়ংদিনীয়ং নিবদ্ধাং
মদয়তু কবিভৃংগান্মাতৃকাপুষ্পমালা||১৭||
হর হর শংকর জয় জয় শংকর
হর হর শংকর জয় জয় শংকর