Varahamahapuranam-1
Chapters
చతుఃషష్టితమో೭ధ్యాయః - అరువది నాల్గవ అధ్యాయము అగస్త్య ఉవాచ - అగస్త్యుడిట్లనెను. అథాపరం ప్రవక్ష్యామి శౌర్య వ్రత మనుత్తమమ్, యేన భీరో రపి మహచ్ఛౌర్యం భవతి తత్ క్షణాత్.
1 ఇటుపై నీకు మిక్కిలి శ్రేష్ఠమైన శౌర్య వ్రతమును గూర్చి చక్కగా తెలిపెదను. దీనివలన పిరికి వానికిని అప్పటికప్పుడు గొప్ప శౌర్యము కలుగును. మాసి చాశ్వయుజే శుద్ధాం నవమీం సముపోషయేత్, సప్తమ్యాం కృతసంకల్పః స్థిత్వా೭ష్టమ్యాం నిరోదనః.
2 ఆశ్వయుజమాస శుక్ల పక్షమున నవమినాడు ఉపవాసము చేయవలయును. సప్తమినాడు సంకల్పము చేసి అష్టమినాడును ఉపవాసముండవలయును. నవమ్యాం పారయేత్ షిష్టం ప్రథమం భక్తితో నృప, బ్రాహ్మణాన్ భోజయేద్ భక్త్యా దేవీం చైవతు పూజయేత్, దుర్గాం దేవీం మహాభాగాం మహామాయాం మహాప్రభామ్. 3 నవమినాడు మొదట పిండిని భుజింపవలయును. భక్తితో బ్రాహ్మణుకు సంతర్పణము చేయవలయును. మహామాయ, మహాప్రభ మహాభాగ యగు దుర్గా దేవిని పూజింపవలయును. ఏవం సంవత్సరం యావ దుపోష్యేతి విధానతః, వ్రతాంతే భోజయేద్ ధీమాన్ యథాశక్త్యా కుమారికాః. 4 ఇట్లు ఒక సంవత్సర కాలము విధానము ననుసరించి ఆతిథియందు ఉపవాసముండి బుద్ధిమంతుడగు నరుడు వ్రతము ముగిసిన వెనుక శక్తి ననుసరించి కన్యకలకు అన్న మొసగవలయును. హేమవస్త్రాదిభి స్తాస్తు భూషయిత్వాతు శక్తితః, పశ్చాత్ క్షమాపయేత్ తాస్తు దేవీ మే ప్రీయతా మితి. 5 బంగారు వస్త్రములు మున్నగు వానితో శక్తి మేరకు వారి నలంకరించి పిదప దేవి నా యెడల ప్రీత యగుగాక అని వారినుద్దేశించి విన్నపము చేయవలయును. ఏవం కృతే భ్రష్టరాజ్యో లభేద్ రాజ్యం న సంశయః, అవిద్యో లభ##తే విద్యాం భీతః శౌర్యం చ విన్దతి. 6 ఇట్లు చేసినచో రాజ్యమును కోలుపోయినవాడు రాజ్యమును తప్పకపొందును. విద్యలేనివాడు విద్యను పొందును. భయమునందిన వాడు శౌర్యమును పొందును. ఇతి శ్రీ వరాహ పురాణ భగవచ్ఛాస్త్రే చతుఃషష్టితమో೭ధ్యాయః ఇది శ్రీ వరాహ పురాణమను భగవచ్ఛాస్త్రమున అరువది నాల్గవ అధ్యాయము