చిరునగవు మొగమున చిందులాడే స్వామి

బ్రహ్మతేజస్సుతో వెలిగిపోయెడు స్వామి

కఠిన నియమాలతో కరడుకట్టిన స్వామి

కామాక్షి పాదముల పరవశించెడు స్వామి- ||చిరు||

రుద్రనమకాలలో నిర్ణిద్రుడగు స్వామి

వేదాంతవీథులలో దేలిపోయెడు స్వామి- ||చిరు||

శాంతుడై దాంతుడై శాశ్వతానందుడై

సచ్ఛిష్య సందోహ స్తుత్యుడై మౌనియై

జ్ఞానియై జ్ఞేయుడై సన్మార్గగామియై

కామకోటి పీఠ శంకరాచార్యుడై.

షణ్మతస్థాపనాచార్యుడై వెలుగుచు

ఆశ్రయించెడు వారి కభయ మిచ్చెడు స్వామి-

చిరునగవు మొగమున చిందు లాడే స్వామి-

బ్రహ్మతేజస్సుతో వెలిగి పోయెడు స్వామి ||

''విశాఖ''