Kathakanchiki
Chapters
Last Page
భారతీయ శిల్పాలు కేవలం రాతివిగ్రహాలు కావు.
వారి అధ్యయన విషయం భారతీయ నాగరికత - హిందూ, బౌద్థమతాలకు ఇదివరలోనూ ఇప్పుడూ భారతీయ సంస్కృతి మీద వున్న ప్రభావం అనేది.
మత సముద్ధరణకేంద్రాలుగా ప్రసిద్ధికెక్కిన సంస్థలను సందర్శిస్తూ 24-1-65 వ తేదీన వారు కంజీవరంలో కామకోటి పీఠాధిపతులను కలుసుకున్నారు. టి.యన్‌. రామచంద్రన్‌ వారిని వెంటబెట్టుకు వచ్చారు.
లేనార్ట్స్‌: ఆధునిక నాగరికత గురించి మీరేమనుకుంటున్నారు? మానవ పురోగమనానికి అది దోహదం చేస్తుందనుకుంటున్నారా?
స్వామివారు: చేయడనే అనుకుంటున్నాను. ఎందువల్ల నంటే దానికి మానవుల మనస్సును కలుషితం చేసే గుణం వుంది. అలా చేయబట్టే ఈనాడు ప్రపంచంలో ఇంత దారుణమైన ఘర్షణ, ఇంతహింస ఆర్తీ చూస్తున్నాము.
లేనార్ట్స్‌: అరణ్యజీవిత, నగరజీవితాల్లో ఏది మంచిది?
స్వామివారు: నిస్సందేహంగా అరణ్య జీవితమే మంచిది. అరణ్యాల్లో సామాన్యంగా, అమాయికంగా కలతకూ, కార్పణ్యాలకూ దూరంగా జీవించవచ్చు. కాని నగరాల్లో అలాకాదు. ఉండటానికి అన్ని సౌకర్యాలూ, ఆధునిక నాగరిత సమకూర్చిపెట్టిన అన్నిసుఖాలు వుంటాయి. కాని చిత్తశాంతి మాత్రం వుండదు.
లెనార్ట్స్‌: నాగరికతకు చైతన్యం వుంది. అది జడంకాదు. అందువల్ల అదేప్పేడూ పురోగమిస్తుంది. ఈ విషయంలో మీ అభిప్రాయంమేమిటి?
స్వామివారు: విజ్ఞానశాస్త్రపురోగమనం వల్ల సమాజం అభివృద్థి చెందిన మాట వాస్తవమే. కాని దానివల్ల కలిగే అనర్థాలు సామాజికాభివృద్ధిని అందరూ అనుభవించటానికి వీల్లేకుండా చేశాయి. అందరూ సుఖంగా జీవించాలంటే ప్రతివాడికీ సరళ##మైన మనస్సు, అమాయికమైన అంతరంగం వుండాలి. అవి ఏకాంత ప్రశాంతమైన వనజీవనంలోనే సాధ్యపడతాయి. వనజీవనంలోనూ ఆధునికమైన సౌకర్యాలూ, సుఖాలూ అనుభవించవచ్చు. విజ్ఞానశాస్త్రం అందించే వసతు లేర్పరచుకోవచ్చు.
స్వామివారు: మీరు ఉత్తర భారతంలోని దేవాలయాలూ, దక్షిణాది దేవాలయాలూ, ఆ దేవాలయాల్లోని విగ్రహాలూ చూచారు వాటిని చూచినప్పుడు మీకెలాటి భావం కలిగింది?
లేనార్ట్స్‌: భారతదేశంలోని ఆలయశిల్పాలు చూస్తున్నప్పుడు మనస్సులో పవిత్రమైన ప్రశాంతి ఏర్పడుతుంది. పారమార్ధికమైన స్పందన కలుగుతుంది. ఆశిల్పాలు కేవలం రాతి విగ్రహాలుకావు. భారతీయుల ఆధ్యాత్మిక చిత్తవృత్తికి చిహ్నాలు. వారి భక్తిప్రపత్తులకు ప్రతీకలు.