సద్గురుస్తుతి
కం|| శ్రీ మత్కాంచీ సత్పుర
కామాక్షీదేవి పాదుకావిలసత్‌, హృ
ద్ధామ! గురుచంద్రశేఖర
స్వామి! భవచ్చరణములకు, సాష్టాంగముల్‌||
కం|| ఇదినగర, మిది యరణ్యం
బిది స్త్రీ, పరికింప పురుషుcడితడను, భేదం
బెదలేక పరబ్రహ్మగ
కదలెడి ''అవధూత!'' ఇతcడెగా! కనుమయ్యా!
శా|| ఏన్నో జన్మములెత్తినాము, మరియేయే జన్మలన్‌ జేయనౌ
పున్నెమ్ముల్‌ ఫలియించె, నేcడిచట, సంపూర్ణంబౌ పరబ్రహ్మ, సా
క్షా న్నేత్రోత్సవమై, యతీంద్ర పురుషాకారమ్మునన్‌, సత్కృపా
సాన్నిధ్యంబిడె, చంద్రశేఖర యతీంద్రస్వామి! కన్గొంటివే!
మ|| జటియై లోకమునుద్ధరింప జనుసాక్షాద్దైవ మాతండటే!
ఎటనో యొండుగ, పాదచారియయి యెందేమౌనియైకొండలం
దటవిన్‌ ద్రిమ్మఱు యోగివర్యుcడటె! లభ్యంబౌనె, తద్దర్శనం
బెటులౌనంచు దిగుల్‌ భయమ్ము వలదెంతే సత్కృపాపూర్ణు డెం
తటి సౌలభ్యమొ! చంద్రశేఖర యతీంద్రస్వామి! దర్శింపుమా!
మ|| సమ దృష్టిన్‌ బయనించు కాననగు నీ సర్వమ్ము నాత్మ స్వరూ
పముగాదోచు, నరణ్యముల్‌, పురములున్‌ పల్లెల్‌, మనమ్ముల్‌, నగా
గ్రములున్‌ క్రొత్తcదనమ్ము లేకయె పరబ్రహ్మముగానెంచు ధీ
రమతుల్‌, సద్గురు చంద్రశేఖర యతీంద్రస్వామి! సర్వజ్ఞులౌన్‌||
మ|| పరమబ్రహ్మము ఆదిశంకరగురుస్వాముల్‌, కృపన్‌, లోకము
ద్ధరణన్‌ సేయ జనించి యెల్లెడల సంస్థాపించిర ద్వైత, మి
ద్ధర ధర్మమ్ముగ, నట్టులన్‌ మరల సంస్థాపించి నారల్‌ జగ
ద్గురులౌ శ్రీ కరచంద్రశేఖర యతీంద్రుల్‌ దేశమందెల్లడన్‌
మ|| తము, దామేసృజియించుకొన్నయను బంధం బిద్దిసంసార బం
ధమటే! దీని విముక్తి జేయ దృటిలోనన్‌, ధీరవైరాగ్య ఖ
డ్గమటే! సద్గురు సత్కృపామహిమ సంకల్పమ్మునన్‌ ముక్తిసా
ధ్యమటే! నీదయ! చంద్రశేఖరయతీంద్రా! ఎట్లుపాలింతువో!
మ|| శ్రుతి ధర్మమ్ములనాచరించి, మనమారూఢస్థితిన్‌, ధర్మప
ద్ధతి, సంస్కారము పొంది సార్ధకమునొందన్‌, ద్వన్మహాధర్మజీ
వితమున్‌ లెస్సగ్రహింత్రుగాత! జనముర్విన్‌మీకృపన్‌ సౌఖ్యసం
తతులన్‌దేలుత! చంద్రశేఖరయతీంద్రా೭೭చంద్రతారార్కమున్‌
గీ|| జయము, జయమష్టాశీతి జన్మవాస
రోత్సవస్వామికి బుధసేవ్యునకు, చంద్ర
శేఖరేంద్ర సరస్వతీ, శ్రీ పదమ్ము
లకు, జయమ్ము శ్రీ జయేంద్ర సరస్వతీయ
తీంద్రునకును, శ్రీ కామాక్షిదేవికెపుడు||
గీ|| జయము జయమగు మాగురుస్వామిచంద్ర
శేఖరేంద్ర సరస్వతీ శ్రీ యతీంద్ర
పూజ్యపాదుల కిల; సంపూర్ణశాంతి
భద్రములు: ప్రజలకెల్ల లభ్యమగుగాత!
శ్రీ చరణుల అవతరణ - జ్యోతి (ష) స్వరూపము
స్వస్తిశ్రీ జయనామ సం||ర వైశాఖ బ|| ೧ భానువారము, అనురాధా నక్షత్రయుక్త సింహల్నము-జననము, అనూరాధ 4వ చరణము
20-5-1894 at 1-00
మ|| కరుణామూర్తులు, యోగివర్యులు, జయాఖ్య శ్రీవిరాజిల్లువ
త్సల వైశాఖము నందునన్‌, వృషభమాసంబందు, మైత్రిన్‌ప్రభా
కర రాశిన, ప్రభావమ్ముcజెందిరి, జగత్కల్యాణమూర్తుల్‌, జగ
ద్గురులౌ, శ్రీకర చంద్రశేఖర యతీంద్రుల్‌, ధర్మసంస్థాపకుల్‌
మ|| రవి, సౌమ్యుండు, గురుండునున్‌, దశమకేంద్రబందుభాసిల్ల, భా
ర్గవుడున్‌ రాహువుతోడ, అష్టమమున్‌ రాజిల్లగా, సౌరి, కే
తువు, రెండింటను జేర, సప్తమమునందున్‌గూడ భౌముండు, నా
ల్గవ యింటన్‌ శశి, భాసిలంగ, మృగరాట్‌లగ్నమ్మునన్‌దాత్రి ను
ద్భవమున్‌ జెందిరి చంద్రశేఖర యతీంద్రస్వామి తేజోనిథుల్‌