పఞ్చౌయతన పూజా విషయే
[గురుశిశోః శ్రీగురు చంద్ర దర్శన సాహస్ర్యామ్‌]
1) హరిహరస్తుతయః కృతయః కృతా ఉభయభక్త శిరోమణిభిః పురా |
ద్రవిడవాజ్మయ శార్కర మాథురీ భరిత భక్తి రసాయన చాతురీః ||
2) శిశిర శాంత సుకీర్తన భక్తితః రసఘనీభవ దాకృతి రర్చనే |
అపినిరాకృతి రేవహి సాకృతి శ్శిశిరతో షృతవద్భవతీశ్వరః ||
3) నటనతశ్చలనం పరమేశ్వరః శయనతో೭ చలనంచరమేశ్వరః |
ఉభయధా೭ పి నిరూపయతోరసి ప్రధిత మేకవిధం ప్రకటీకృతమ్‌ ||
4) అభయదం హ్యుభయం సదపిస్వయం హరిహరంఖలు వస్తు పరాత్పరమ్‌ |
హరిపదా దథవా హరనామతః పరిగృణన్‌ స్వయమేతి తదద్వయమ్‌ ||
5) విగతబీజ సమాత్త కుజాకృతి ప్రతిభటాఖలు వాస్తవికీ స్థితిః |
తదుపలక్షక లిఙ్గ సులక్షితం పరమరూప సరూప విలక్షణమ్‌ ||
6) తదను చిన్త్య జగద్గురవః పురా దిదిశు రాయతనాని చపఞ్చనః |
తదభిపూజన సాధన భేదధీ రపి సుధీః స్థితధీర్భవతి క్రమాత్‌ ||
7) హరిహరాజ రమా గిరిజాగిరాం ససమవాయము ఖాః ఖలు షణ్ముఖః |
సగిరిభిత్‌ రివుభి న్మురుగన్నితి స్తుతిమగాదపి వైష్ణవ పాశురైః ||
8) అపిమయూర చిదంబర దక్షిణా ముఖ నటేశ్వర యోరభిదా೭పితైః |
అపిచశైవ మహాకవిభిస్తథా స్తుతిమగాన్నవనీత హరోహరిః ||
- తత్ర మత ప్రశంసా -
9) నృపతిరేవ మతం హ్యమతం భ##వేత్‌ జగదరాజక మత్రన రక్షణమ్‌ |
శ్రుతిహితం హిమతం, శ్రుతిరీశవాక్‌ తదనుపాలనతః సుఖశాంతయః ||
10) మతకృతాఃఖలు పుణ్యమపుణ్యమి త్యధదివం నరకంచ సుఖాసుఖే |
అపిచకీర్తి రకీర్తి రితిక్షితౌ స్థితి నిమిత్త మిమాస్తు బిభీషికాః ||
11) ఇద మరూప మవిశ్వసనీయమి త్యపి యధేష్టచరం కలహాతురమ్‌ |
జగదిదంను వినాశ ముపైతిత న్మతవశాత్కలహోక్తిరమూలకా ||
12) భవతి విశ్వమతం శ్రుతి సమ్మతం శ్రుతిరనాది రపీశ్వర వాగ్యతః |
సకలభూత సమాజనీయథా నఖలు తత్ర రజస్తమసోస్స్పృశిః ||
13) సకల సమ్మత మేవ మతం తతః సమనుసృత్య హరేతి శివేతివా |
అపిచరామ ఇతీర్య గురుంభజ೯ జగదిదం సమతం సుఖమేధ తాత్‌ ||
14) హర విహార అహః కృత భూమికా విహరణాని హరేర్నిశి భూమికాః |
యవనికాం ప్రకృతిం హ్యనుచింత్యయన్యథుర మాహసకో೭పి తదర్థవత్‌ ||
హరుని లీలలు పగటి వేషాలు హరి లీలలు రాత్రి వేషాలు అని ఒక మహానుభావుడు అన్నారట.
15) ఇతికృతభగవచ్ఛ్రీ శఙ్కరాచార్యపాద
స్వనుగమన కృతార్థీభూత పుణ్యావతారః |
కృత సకల ధరిత్రీ క్షేత్ర తీర్థప్రచారః
జయతు జయతు సాక్షాత్‌ శ్రీ గురుశ్శ్రీగురుర్నః ||
శ్రీ శ్రీ శ్రీ