શ્રી લલિતા પઞ્ચરત્નમ
પ્રાતઃસ્મરામિ લલિતાવદનારવિન્દં
બિમ્બાધરં પૃથુલમૌક્તિકશોભિનાસમ|
આકર્ણદીર્ઘનયનં મણિકુણ્ડલાઢ્યં
મન્દસ્મિતં મૃગમદોજ્જ્વલફાલદેશમ||૧||
પ્રાતર્ભજામિ લલિતાભુજકલ્પવલ્લીં
રક્તાઙ્ગુળીયલસદઙ્ગુળિપલ્લવાઢ્યામ|
માણિક્યહેમવલયાઙ્ગદશોભમાનાં
પુણ્ડ્રેક્ષુચાપકુસુમેષુસૃણીર્દધાનામ||૨||
પ્રાતર્નમામિ લલિતાચરણારવિન્દં
ભક્તેષ્ટદાનનિરતં ભવસિન્ધુપોતમ|
પદ્માસનાદિસુરનાયકપૂજનીયં
પદ્માઙ્કુશધ્વજસુદર્શનલાઞ્છનાઢ્યમ||૩||
પ્રાતઃસ્તુવે પરશિવાં લલિતાં ભવાનીં
ત્રય્યન્તવેદ્યવિભવાં કરુણાનવદ્યામ|
વિશ્વસ્ય સૃષ્ટિવિલયસ્થિતિહેતુભૂતાં
વિદ્યેશ્વરીં નિગમવાઙ્મનસાતિદૂરામ||૪||
પ્રાતર્વદામિ લલિતે તવ પુણ્યનામ
કામેશ્વરીતિ કમલેતિ મહેશ્વરીતિ|
શ્રીશામ્ભવીતિ જગતાં જનની પરેતિ
વાગ્દેવતેતિ વચસા ત્રિપુરેશ્વરીતિ||૫||
યઃ શ્લોકપઞ્ચકમિદં લલિતામ્બિકાયાઃ
સૌભાગ્યદં સુલલિતં પઠતિ પ્રભાતે|
તસ્મૈ દદાતિ લલિતા ઝટિતિ પ્રસન્ના
વિદ્યાં શ્રિયં વિમલસૌખ્યમનન્તકીર્તિમ||૬||
જય જય શંકર હર હર શંકર
જય જય શંકર હર હર શંકર
ADI SHANKARA STOTRAS |