ശ്രീ ലലിതാ പഞ്ചരത്നമ്
പ്രാതഃസ്മരാമി ലലിതാവദനാരവിന്ദം
ബിമ്ബാധരം പൃഥുലമൗക്തികശൊഭിനാസമ്|
ആകര്ണദീര്ഘനയനം മണികുണ്ഡലാഢ്യം
മന്ദസ്മിതം മൃഗമദൊജ്ജ്വലഫാലദേശമ്||൧||
പ്രാതര്ഭജാമി ലലിതാഭുജകല്പവല്ലീം
രക്താങ്ഗുളീയലസദങ്ഗുളിപല്ലവാഢ്യാമ്|
മാണിക്യഹേമവലയാങ്ഗദശൊഭമാനാം
പുണ്ഡ്രേക്ഷുചാപകുസുമേഷുസൃണീര്ദധാനാമ്||൨||
പ്രാതര്നമാമി ലലിതാചരണാരവിന്ദം
ഭക്തേഷ്ടദാനനിരതം ഭവസിന്ധുപൊതമ്|
പദ്മാസനാദിസുരനായകപൂജനീയം
പദ്മാങ്കുശധ്വജസുദര്ശനലാഞ്ഛനാഢ്യമ്||൩||
പ്രാതഃസ്തുവേ പരശിവാം ലലിതാം ഭവാനീം
ത്രയ്യന്തവേദ്യവിഭവാം കരുണാനവദ്യാമ്|
വിശ്വസ്യ സൃഷ്ടിവിലയസ്ഥിതിഹേതുഭൂതാം
വിദ്യേശ്വരീം നിഗമവാങ്മനസാതിദൂരാമ്||൪||
പ്രാതര്വദാമി ലലിതേ തവ പുണ്യനാമ
കാമേശ്വരീതി കമലേതി മഹേശ്വരീതി|
ശ്രീശാമ്ഭവീതി ജഗതാം ജനനീ പരേതി
വാഗ്ദേവതേതി വചസാ ത്രിപുരേശ്വരീതി||൫||
യഃ ശ്ലൊകപഞ്ചകമിദം ലലിതാമ്ബികായാഃ
സൗഭാഗ്യദം സുലലിതം പഠതി പ്രഭാതേ|
തസ്മൈ ദദാതി ലലിതാ ഝടിതി പ്രസന്നാ
വിദ്യാം ശ്രിയം വിമലസൗഖ്യമനന്തകീര്തിമ്||൬||
ജയ ജയ ശംകര ഹര ഹര ശംകര
ജയ ജയ ശംകര ഹര ഹര ശംകര
ADI SHANKARA STOTRAS |