কল্য়াণৱৃষ্টিস্তৱঃ
কল্য়াণৱৃষ্টিভিৰিৱামৃতপূৰিতাভি-
ৰ্লক্ষ্মীস্ৱয়ংৱৰণমঙ্গলদীপিকাভিঃ|
সেৱাভিৰম্ব তৱ পাদসৰোজমূলে
নাকাৰি কিং মনসি ভাগ্য়ৱতাং জনানাম||১||
এতাৱদেৱ জননি স্পৃহণীয়মাস্তে
ত্ৱদ্ৱন্দনেষু সলিলস্থগিতে চ নেত্ৰে|
সান্নিধ্য়মুদ্য়দৰুণায়ুতসোদৰস্য়
ত্ৱদ্ৱিগ্ৰহস্য় পৰয়া সুধয়া প্লুতস্য়||২||
ঈশত্ৱনামকলুষাঃ কতি ৱা ন সন্তি
ব্ৰহ্মাদয়ঃ প্ৰতিভৱং প্ৰলয়াভিভূতাঃ|
একঃ স এৱ জননি স্থিৰসিদ্ধিৰাস্তে
য়ঃ পাদয়োস্তৱ সকৃত্প্ৰণতিং কৰোতি||৩||
লব্ধ্ৱা সকৃত্ত্ৰিপুৰসুন্দৰি তাৱকীনং
কাৰুণ্য়কন্দলিতকান্তিভৰং কটাক্ষম|
কন্দৰ্পকোটিসুভগাস্ত্ৱয়ি ভক্তিভাজঃ
সংমোহয়ন্তি তৰুণীৰ্ভুৱনত্ৰয়েঽপি||৪||
হ্ৰীংকাৰমেৱ তৱ নাম গৃণন্তি ৱেদা
মাতস্ত্ৰিকোণনিলয়ে ত্ৰিপুৰে ত্ৰিনেত্ৰে|
ত্ৱত্সংস্মৃতৌ য়মভটাভিভৱং ৱিহায়
দীৱ্য়ন্তি নন্দনৱনে সহলোকপালৈঃ||৫||
হন্তুঃ পুৰামধিগলং পৰিপীয়মানঃ
ক্ৰূৰঃ কথং ন ভৱিতা গৰলস্য় ৱেগঃ|
নাশ্ৱাসনায় য়দি মাতৰিদং তৱাৰ্থং
দেহস্য় শশ্ৱদমৃতাপ্লুতশীতলস্য়||৬||
সৰ্ৱজ্ঞতাং সদসি ৱাক্পটুতাং প্ৰসূতে
দেৱি ত্ৱদঙ্ঘ্ৰিসৰসীৰুহয়োঃ প্ৰণামঃ|
কিং চ স্ফুৰন্মকুটমুজ্জ্ৱলমাতপত্ৰং
দ্ৱে চামৰে চ মহতীং ৱসুধাং দদাতি||৭||
কল্পদ্ৰুমৈৰভিমতপ্ৰতিপাদনেষু
কাৰুণ্য়ৱাৰিধিভিৰম্ব ভৱত্কটাক্ষৈঃ|
আলোকয় ত্ৰিপুৰসুন্দৰি মামনাথং
ত্ৱয়্য়েৱ ভক্তিভৰিতং ত্ৱয়ি বদ্ধতৃষ্ণম||৮||
হন্তেতৰেষ্ৱপি মনাংসি নিধায় চান্য়ে
ভক্তিং ৱহন্তি কিল পামৰদৈৱতেষু|
ত্ৱামেৱ দেৱি মনসা সমনুস্মৰামি
ত্ৱামেৱ নৌ মি শৰণং জননি ত্ৱমেৱ||৯||
লক্ষ্য়েষু সত্স্ৱপি কটাক্ষনিৰীক্ষণানা-
মালোকয় ত্ৰিপুৰসুন্দৰি মাং কদাচিত|
নূনং ময়া তু সদৃশঃ কৰুণৈকপাত্ৰং
জাতো জনিষ্য়তি জনো ন চ জায়তে চ||১০||
হ্ৰীং হ্ৰীমিতি প্ৰতিদিনং জপতাং তৱাখ্য়াং
কিং নাম দুৰ্লভমিহ ত্ৰিপুৰাধিৱাসে|
মালাকিৰীটমদৱাৰণমাননীয়া
তান্সেৱতে ৱসুমতী স্ৱয়মেৱ লক্ষ্মীঃ||১১||
সম্পত্কৰাণি সকলেন্দ্ৰিয়নন্দনানি
সাম্ৰাজ্য়দাননিৰতানি সৰোৰুহাক্ষি|
ত্ৱদ্ৱন্দনানি দুৰিতাহৰণোদ্য়তানি
মামেৱ মাতৰনিশং কলয়ন্তু নান্য়ম||১২||
কল্পোপসংহৃতিষু কল্পিততাণ্ডৱস্য়
দেৱস্য় খণ্ডপৰশোঃ পৰভৈৰৱস্য়|
পাশাঙ্কুশৈক্ষৱশৰাসনপুষ্পবাণা
সা সাক্ষিণী ৱিজয়তে তৱ মূৰ্তিৰেকা||১৩||
লগ্নং সদা ভৱতু মাতৰিদং তৱাৰ্ধং
তেজঃ পৰং বহুলকুঙ্কুমপঙ্কশোণম|
ভাস্ৱত্কিৰীটমমৃতাংশুকলাৱতংসং
মধ্য়ে ত্ৰিকোণনিলয়ং পৰমামৃতাৰ্দ্ৰম||১৪||
হ্ৰীংকাৰমেৱ তৱ নাম তদেৱ ৰূপং
ত্ৱন্নাম দুৰ্লভমিহ ত্ৰিপুৰে গৃণন্তি|
ত্ৱত্তেজসা পৰিণতং ৱিয়দাদি ভূতং
সৌখ্য়ং তনোতি সৰসীৰুহসম্ভৱাদেঃ||১৫||
হ্ৰীংকাৰত্ৰয়সম্পুটেন মহতা মন্ত্ৰেণ সন্দীপিতং
স্তোত্ৰং য়ঃ প্ৰতিৱাসৰং তৱ পুৰো মাতৰ্জপেন্মন্ত্ৰৱিত|
তস্য় ক্ষোণিভুজো ভৱন্তি ৱশগা লক্ষ্মীশ্চিৰস্থায়িনী
ৱাণী নিৰ্মলসূক্তিভাৰভৰিতা জাগৰ্তি দীৰ্ঘং ৱয়ঃ||১৬||
হৰ হৰ শংকৰ জয় জয় শংকৰ
হৰ হৰ শংকৰ জয় জয় শংকৰ