કલ્યાણવૃષ્ટિસ્તવઃ
કલ્યાણવૃષ્ટિભિરિવામૃતપૂરિતાભિ-
ર્લક્ષ્મીસ્વયંવરણમઙ્ગળદીપિકાભિઃ|
સેવાભિરમ્બ તવ પાદસરોજમૂલે
નાકારિ કિં મનસિ ભાગ્યવતાં જનાનામ||૧||
એતાવદેવ જનનિ સ્પૃહણીયમાસ્તે
ત્વદ્વન્દનેષુ સલિલસ્થગિતે ચ નેત્રે|
સાન્નિધ્યમુદ્યદરુણાયુતસોદરસ્ય
ત્વદ્વિગ્રહસ્ય પરયા સુધયા પ્લુતસ્ય||૨||
ઈશત્વનામકલુષાઃ કતિ વા ન સન્તિ
બ્રહ્માદયઃ પ્રતિભવં પ્રલયાભિભૂતાઃ|
એકઃ સ એવ જનનિ સ્થિરસિદ્ધિરાસ્તે
યઃ પાદયોસ્તવ સકૃત્પ્રણતિં કરોતિ||૩||
લબ્ધ્વા સકૃત્ત્રિપુરસુન્દરિ તાવકીનં
કારુણ્યકન્દલિતકાન્તિભરં કટાક્ષમ|
કન્દર્પકોટિસુભગાસ્ત્વયિ ભક્તિભાજઃ
સંમોહયન્તિ તરુણીર્ભુવનત્રયેઽપિ||૪||
હ્રીંકારમેવ તવ નામ ગૃણન્તિ વેદા
માતસ્ત્રિકોણનિલયે ત્રિપુરે ત્રિનેત્રે|
ત્વત્સંસ્મૃતૌ યમભટાભિભવં વિહાય
દીવ્યન્તિ નન્દનવને સહલોકપાલૈઃ||૫||
હન્તુઃ પુરામધિગળં પરિપીયમાનઃ
ક્રૂરઃ કથં ન ભવિતા ગરલસ્ય વેગઃ|
નાશ્વાસનાય યદિ માતરિદં તવાર્થં
દેહસ્ય શશ્વદમૃતાપ્લુતશીતલસ્ય||૬||
સર્વજ્ઞતાં સદસિ વાક્પટુતાં પ્રસૂતે
દેવિ ત્વદઙ્ઘ્રિસરસીરુહયોઃ પ્રણામઃ|
કિં ચ સ્ફુરન્મકુટમુજ્જ્વલમાતપત્રં
દ્વે ચામરે ચ મહતીં વસુધાં દદાતિ||૭||
કલ્પદ્રુમૈરભિમતપ્રતિપાદનેષુ
કારુણ્યવારિધિભિરમ્બ ભવત્કટાક્ષૈઃ|
આલોકય ત્રિપુરસુન્દરિ મામનાથં
ત્વય્યેવ ભક્તિભરિતં ત્વયિ બદ્ધતૃષ્ણમ||૮||
હન્તેતરેષ્વપિ મનાંસિ નિધાય ચાન્યે
ભક્તિં વહન્તિ કિલ પામરદૈવતેષુ|
ત્વામેવ દેવિ મનસા સમનુસ્મરામિ
ત્વામેવ નૌ મિ શરણં જનનિ ત્વમેવ||૯||
લક્ષ્યેષુ સત્સ્વપિ કટાક્ષનિરીક્ષણાના-
માલોકય ત્રિપુરસુન્દરિ માં કદાચિત|
નૂનં મયા તુ સદૃશઃ કરુણૈકપાત્રં
જાતો જનિષ્યતિ જનો ન ચ જાયતે ચ||૧૦||
હ્રીં હ્રીમિતિ પ્રતિદિનં જપતાં તવાખ્યાં
કિં નામ દુર્લભમિહ ત્રિપુરાધિવાસે|
માલાકિરીટમદવારણમાનનીયા
તાન્સેવતે વસુમતી સ્વયમેવ લક્ષ્મીઃ||૧૧||
સમ્પત્કરાણિ સકલેન્દ્રિયનન્દનાનિ
સામ્રાજ્યદાનનિરતાનિ સરોરુહાક્ષિ|
ત્વદ્વન્દનાનિ દુરિતાહરણોદ્યતાનિ
મામેવ માતરનિશં કલયન્તુ નાન્યમ||૧૨||
કલ્પોપસંહૃતિષુ કલ્પિતતાણ્ડવસ્ય
દેવસ્ય ખણ્ડપરશોઃ પરભૈરવસ્ય|
પાશાઙ્કુશૈક્ષવશરાસનપુષ્પબાણા
સા સાક્ષિણી વિજયતે તવ મૂર્તિરેકા||૧૩||
લગ્નં સદા ભવતુ માતરિદં તવાર્ધં
તેજઃ પરં બહુલકુઙ્કુમપઙ્કશોણમ|
ભાસ્વત્કિરીટમમૃતાંશુકલાવતંસં
મધ્યે ત્રિકોણનિલયં પરમામૃતાર્દ્રમ||૧૪||
હ્રીંકારમેવ તવ નામ તદેવ રૂપં
ત્વન્નામ દુર્લભમિહ ત્રિપુરે ગૃણન્તિ|
ત્વત્તેજસા પરિણતં વિયદાદિ ભૂતં
સૌખ્યં તનોતિ સરસીરુહસમ્ભવાદેઃ||૧૫||
હ્રીંકારત્રયસમ્પુટેન મહતા મન્ત્રેણ સન્દીપિતં
સ્તોત્રં યઃ પ્રતિવાસરં તવ પુરો માતર્જપેન્મન્ત્રવિત|
તસ્ય ક્ષોણિભુજો ભવન્તિ વશગા લક્ષ્મીશ્ચિરસ્થાયિની
વાણી નિર્મલસૂક્તિભારભરિતા જાગર્તિ દીર્ઘં વયઃ||૧૬||
હર હર શંકર જય જય શંકર
હર હર શંકર જય જય શંકર