ಕಲ್ಯಾಣವೃಷ್ಟಿಸ್ತವಃ
ಕಲ್ಯಾಣವೃಷ್ಟಿಭಿರಿವಾಮೃತಪೂರಿತಾಭಿ-
ರ್ಲಕ್ಷ್ಮೀಸ್ವಯಂವರಣಮಙ್ಗಳದೀಪಿಕಾಭಿಃ|
ಸೇವಾಭಿರಮ್ಬ ತವ ಪಾದಸರೊಜಮೂಲೇ
ನಾಕಾರಿ ಕಿಂ ಮನಸಿ ಭಾಗ್ಯವತಾಂ ಜನಾನಾಮ್||೧||
ಎತಾವದೇವ ಜನನಿ ಸ್ಪೃಹಣೀಯಮಾಸ್ತೇ
ತ್ವದ್ವನ್ದನೇಷು ಸಲಿಲಸ್ಥಗಿತೇ ಚ ನೇತ್ರೇ|
ಸಾನ್ನಿಧ್ಯಮುದ್ಯದರುಣಾಯುತಸೊದರಸ್ಯ
ತ್ವದ್ವಿಗ್ರಹಸ್ಯ ಪರಯಾ ಸುಧಯಾ ಪ್ಲುತಸ್ಯ||೨||
ಈಶತ್ವನಾಮಕಲುಷಾಃ ಕತಿ ವಾ ನ ಸನ್ತಿ
ಬ್ರಹ್ಮಾದಯಃ ಪ್ರತಿಭವಂ ಪ್ರಲಯಾಭಿಭೂತಾಃ|
ಎಕಃ ಸ ಎವ ಜನನಿ ಸ್ಥಿರಸಿದ್ಧಿರಾಸ್ತೇ
ಯಃ ಪಾದಯೊಸ್ತವ ಸಕೃತ್ಪ್ರಣತಿಂ ಕರೊತಿ||೩||
ಲಬ್ಧ್ವಾ ಸಕೃತ್ತ್ರಿಪುರಸುನ್ದರಿ ತಾವಕೀನಂ
ಕಾರುಣ್ಯಕನ್ದಲಿತಕಾನ್ತಿಭರಂ ಕಟಾಕ್ಷಮ್|
ಕನ್ದರ್ಪಕೊಟಿಸುಭಗಾಸ್ತ್ವಯಿ ಭಕ್ತಿಭಾಜಃ
ಸಂಮೊಹಯನ್ತಿ ತರುಣೀರ್ಭುವನತ್ರಯೆಽಪಿ||೪||
ಹ್ರೀಂಕಾರಮೇವ ತವ ನಾಮ ಗೃಣನ್ತಿ ವೇದಾ
ಮಾತಸ್ತ್ರಿಕೊಣನಿಲಯೇ ತ್ರಿಪುರೇ ತ್ರಿನೇತ್ರೇ|
ತ್ವತ್ಸಂಸ್ಮೃತೌ ಯಮಭಟಾಭಿಭವಂ ವಿಹಾಯ
ದೀವ್ಯನ್ತಿ ನನ್ದನವನೇ ಸಹಲೊಕಪಾಲೈಃ||೫||
ಹನ್ತುಃ ಪುರಾಮಧಿಗಳಂ ಪರಿಪೀಯಮಾನಃ
ಕ್ರೂರಃ ಕಥಂ ನ ಭವಿತಾ ಗರಲಸ್ಯ ವೇಗಃ|
ನಾಶ್ವಾಸನಾಯ ಯದಿ ಮಾತರಿದಂ ತವಾರ್ಥಂ
ದೇಹಸ್ಯ ಶಶ್ವದಮೃತಾಪ್ಲುತಶೀತಲಸ್ಯ||೬||
ಸರ್ವಜ್ಞತಾಂ ಸದಸಿ ವಾಕ್ಪಟುತಾಂ ಪ್ರಸೂತೇ
ದೇವಿ ತ್ವದಙ್ಘ್ರಿಸರಸೀರುಹಯೊಃ ಪ್ರಣಾಮಃ|
ಕಿಂ ಚ ಸ್ಫುರನ್ಮಕುಟಮುಜ್ಜ್ವಲಮಾತಪತ್ರಂ
ದ್ವೇ ಚಾಮರೇ ಚ ಮಹತೀಂ ವಸುಧಾಂ ದದಾತಿ||೭||
ಕಲ್ಪದ್ರುಮೈರಭಿಮತಪ್ರತಿಪಾದನೇಷು
ಕಾರುಣ್ಯವಾರಿಧಿಭಿರಮ್ಬ ಭವತ್ಕಟಾಕ್ಷೈಃ|
ಆಲೊಕಯ ತ್ರಿಪುರಸುನ್ದರಿ ಮಾಮನಾಥಂ
ತ್ವಯ್ಯೇವ ಭಕ್ತಿಭರಿತಂ ತ್ವಯಿ ಬದ್ಧತೃಷ್ಣಮ್||೮||
ಹನ್ತೇತರೇಷ್ವಪಿ ಮನಾಂಸಿ ನಿಧಾಯ ಚಾನ್ಯೇ
ಭಕ್ತಿಂ ವಹನ್ತಿ ಕಿಲ ಪಾಮರದೈವತೇಷು|
ತ್ವಾಮೇವ ದೇವಿ ಮನಸಾ ಸಮನುಸ್ಮರಾಮಿ
ತ್ವಾಮೇವ ನೌ ಮಿ ಶರಣಂ ಜನನಿ ತ್ವಮೇವ||೯||
ಲಕ್ಷ್ಯೇಷು ಸತ್ಸ್ವಪಿ ಕಟಾಕ್ಷನಿರೀಕ್ಷಣಾನಾ-
ಮಾಲೊಕಯ ತ್ರಿಪುರಸುನ್ದರಿ ಮಾಂ ಕದಾಚಿತ್|
ನೂನಂ ಮಯಾ ತು ಸದೃಶಃ ಕರುಣೈಕಪಾತ್ರಂ
ಜಾತೊ ಜನಿಷ್ಯತಿ ಜನೊ ನ ಚ ಜಾಯತೇ ಚ||೧೦||
ಹ್ರೀಂ ಹ್ರೀಮಿತಿ ಪ್ರತಿದಿನಂ ಜಪತಾಂ ತವಾಖ್ಯಾಂ
ಕಿಂ ನಾಮ ದುರ್ಲಭಮಿಹ ತ್ರಿಪುರಾಧಿವಾಸೇ|
ಮಾಲಾಕಿರೀಟಮದವಾರಣಮಾನನೀಯಾ
ತಾನ್ಸೇವತೇ ವಸುಮತೀ ಸ್ವಯಮೇವ ಲಕ್ಷ್ಮೀಃ||೧೧||
ಸಮ್ಪತ್ಕರಾಣಿ ಸಕಲೇನ್ದ್ರಿಯನನ್ದನಾನಿ
ಸಾಮ್ರಾಜ್ಯದಾನನಿರತಾನಿ ಸರೊರುಹಾಕ್ಷಿ|
ತ್ವದ್ವನ್ದನಾನಿ ದುರಿತಾಹರಣೊದ್ಯತಾನಿ
ಮಾಮೇವ ಮಾತರನಿಶಂ ಕಲಯನ್ತು ನಾನ್ಯಮ್||೧೨||
ಕಲ್ಪೊಪಸಂಹೃತಿಷು ಕಲ್ಪಿತತಾಣ್ಡವಸ್ಯ
ದೇವಸ್ಯ ಖಣ್ಡಪರಶೊಃ ಪರಭೈರವಸ್ಯ|
ಪಾಶಾಙ್ಕುಶೈಕ್ಷವಶರಾಸನಪುಷ್ಪಬಾಣಾ
ಸಾ ಸಾಕ್ಷಿಣೀ ವಿಜಯತೇ ತವ ಮೂರ್ತಿರೇಕಾ||೧೩||
ಲಗ್ನಂ ಸದಾ ಭವತು ಮಾತರಿದಂ ತವಾರ್ಧಂ
ತೇಜಃ ಪರಂ ಬಹುಲಕುಙ್ಕುಮಪಙ್ಕಶೊಣಮ್|
ಭಾಸ್ವತ್ಕಿರೀಟಮಮೃತಾಂಶುಕಲಾವತಂಸಂ
ಮಧ್ಯೇ ತ್ರಿಕೊಣನಿಲಯಂ ಪರಮಾಮೃತಾರ್ದ್ರಮ್||೧೪||
ಹ್ರೀಂಕಾರಮೇವ ತವ ನಾಮ ತದೇವ ರೂಪಂ
ತ್ವನ್ನಾಮ ದುರ್ಲಭಮಿಹ ತ್ರಿಪುರೇ ಗೃಣನ್ತಿ|
ತ್ವತ್ತೇಜಸಾ ಪರಿಣತಂ ವಿಯದಾದಿ ಭೂತಂ
ಸೌಖ್ಯಂ ತನೊತಿ ಸರಸೀರುಹಸಮ್ಭವಾದೇಃ||೧೫||
ಹ್ರೀಂಕಾರತ್ರಯಸಮ್ಪುಟೇನ ಮಹತಾ ಮನ್ತ್ರೇಣ ಸನ್ದೀಪಿತಂ
ಸ್ತೊತ್ರಂ ಯಃ ಪ್ರತಿವಾಸರಂ ತವ ಪುರೊ ಮಾತರ್ಜಪೇನ್ಮನ್ತ್ರವಿತ್|
ತಸ್ಯ ಕ್ಷೊಣಿಭುಜೊ ಭವನ್ತಿ ವಶಗಾ ಲಕ್ಷ್ಮೀಶ್ಚಿರಸ್ಥಾಯಿನೀ
ವಾಣೀ ನಿರ್ಮಲಸೂಕ್ತಿಭಾರಭರಿತಾ ಜಾಗರ್ತಿ ದೀರ್ಘಂ ವಯಃ||೧೬||
ಹರ ಹರ ಶಂಕರ ಜಯ ಜಯ ಶಂಕರ
ಹರ ಹರ ಶಂಕರ ಜಯ ಜಯ ಶಂಕರ