கௌரீதசகம்

பொருள்: தனது லீலா விபூதியாக அமைந்து காக்கப்பட்டு பின் தன்னில்லயிக்கும் உலகங்களுடையவளும், சிறந்த யோகிகளால் மனதளவில் தேடி அறியத்தக்கவளும், பால சூர்யர்கள் போன்ற நிறங்கொண்டவளுமான தாமரையிதழ்க் கண்படைத்த கௌரீ மாதாவை வணங்குகிறேன்

பொருள்: ப்ரத்யாஹாரம், தியானம், ஸமாதி நிலைகளிலுள்ள யோகிகளின் மனதில் எப்போதும் பரமானந்தத்தைத் தோற்றுவிக்கின்றவளும், ஸத்யம், ஜ்யானம், ஆனந்தம் என்ற உருவத்தில் மெல்லியவளாய் தெரிகிறவளுமான கௌரித்தாயை நான் வணங்குகின்றேன்

பொருள்: பிறைச்சந்சந்திரனைப் பூண்ட மகிழ்ச்சியால் புன்முறுவல் பூத்த முகம் கொண்டவள், சந்திரக்கலையணிந்த கருநீல கூந்தல் கொண்டவள், இந்த்ரன், உபேந்திரன் முதலியவரால் போற்றப்பட்ட திருவடிகளையுடையவள். அத்தகைய கௌரீயன்னையை போற்றுகிறேன்

பொருள்: அகராதி க்ஷகாராந்தமான அக்ஷரங்கள் வடிவத்துடன் விளங்குபவள், யுகத்துக்கு யுகம் ஜீவராசிகளைப் படைப்பவள். சப்தப்பிரஹ்ம வடிவமும், மின்னல் ஒளியும் கொண்டவள், அத்தகைய கௌரீமாதாவை வணங்குகின்றேன்

பொருள்: மூலாதா ரத்தினின்று புறப்பட்ட வழியோடு ப்ரம்ம மந்த்ரத்தையும் சூர்யசந்த்ரபிலங்களையும் வியாபித்து களிப்பதில் ஜ்வலிப்பவளும், அணுவிற்கும் அணுவாய், ஆனந்தமயமாய் விளங்குபவளுமான கௌரியன்னையை வணங்குகிறேன்

பொருள்: உலகைப் படைப்பதிலும், ஒடுக்குவதிலும் எவளுக்கு சாக்ஷியாய் நித்யனாய், சுத்தனாய், நிஷ்கலனாய் ஸ்ரீபரமேச்வரன் இருக்கிறானோ, எவள் உலகைப் படைக்கும் விளையாட்டில் உவகை கொண்டவளோ அத்தகைய சிவபத்னியான கௌரீயை நான் வணங்குகிறேன்

பொருள்: இந்த சராசர ப்ரபஞ்சம் பின்னும் பின்னும் தோன்றி எவளது உதரத்தில் ஒடுங்கியுள்ளதோ, லெள்ளிமலையில் பர்தாவோடு களித்து நிற்கும் அந்த அன்னை கௌரியை வணங்குகிறேன்

பொருள்: இந்த சராசர ப்ரபஞ்சம் தவமணிமாலையில் கோர்க்கப்பட்டது போல் எவளிடம் மேலும் கீழுமாய் அடங்கியுள்ளதோ, எவள் ஆத்மஜ்ஞானவாயிலாக அறியத்தக்கவளோ அத்தகைய கௌரியன்னையை வணங்குகிறேன்

பொருள்: தான் ஒருவனாயிருந்து கொண்டு தனது பலவித சக்திகளுடன் உலகை வியாபித்து தன்னிசைப்படி விளையாடும் கல்யாணியவள். தன்னை வணங்கியவருக்கு கல்பகக் கொடியுமானவள். அந்த கௌரியன்னையை வணங்குகிறேன்

பொருள்: தனது திருவடித் தாமரையை தியானிக்கும் மனிதருக்கு ஆசாபாசங்களையும், அதன் நிமித்தம் ஏற்படும் கஷ்டங்களையும் அகற்றுபவள் அன்னை கௌரி. மேலும் அவள் மகேசனது உடல் இடது பாகத்தை வலியக் கொண்டவள். தாமரை இதழொத்த கண்களையும் கொண்டு விளங்குமவளை ஸ்தோத்திரம் செய்கிறேன்

பொருள்: தூய கருத்துடன் தியானத்திலாழ்ந்து எவனொருவன் பக்தியுடன் இந்த கௌரீ சதகத்தை தினந்தோறும் பாராயணம் செய்கிறானோ அவனுக்கு பார்வதீ சிவபக்தியையும், பேச்சுத் திறமையையும், மிகுந்த செல்வத்தையும் அமையச் செய்வாள். s