ஸ்ரீ ப்ரமராம்பாஷ்டகம்

பொருள்: செவ்வரி கண்களில் தேங்கும் கருணையுடையவளும், பிறைச்சந்திரனை தலையில் அணிந்தவளும், புன்முறுவல் பூத்த முகத்தையுடையவளும், உலகமனைத்தையும் தன்னில் தாங்கி ரக்ஷிப்பவளும், ஒளிரும் செம்பகப்பூ போன்ற மூக்கு நுனியில் விளங்கும் முத்துமணியால் அழகியவளும், ஸ்ரீசைலத் தலத்தில் உறைபவளுமான தாயை த்யானிக்கிறேன்

பொருள்: ஸ்ரீ சைலத்தில் குடிகொண்ட ப்ரமராம்பிகையை தியானிக்கிறேன். அந்த தாயின் நெற்றியில் கஸ்தூரி திலகமும், சந்திரப் பிறையும் மிளிர்கின்றன. (வாயில்) கற்பூரக் குழம்பும் கதிரப்பொடியும் கலந்து மணக்கும் தாம்பூலச் சுருள் அடக்கியுள்ளாள். சஞ்சலமான கடைக்கண்களில் அலைமோதும் க்ருபாப்ரவாஹத்தால் வணங்கியவரை மகிழ்விக்கிறாள் அவள்

பொருள்: அழகிய அன்னப்பறவை போன்று மெல்ல செல்பவளாயும், தாமரை இதழ் போன்ற கண்களையுடையவளும், பிரம்மதேவன் முதலிய தேவர்கள் விழுந்து வணங்கப்படுபவளும், பரந்த தாமரை இதழ்கள் படிந்து விளங்கும் மார்பகங்களையுடையவளும், ராஜராஜேச்வரியாயு மிருக்கிற ஸ்ரீசைலவாஸினியான தாயை த்யானிக்கிறேன்

பொருள்: ஸ்ரீசைலத்தில் வீற்றிருக்கும் ப்ரமராம்பிகையை தியானிக்கிறேன். அந்த அன்னை ஆறுகோணங்களில் நடுவில் ஆறுயோகினிகளால் சூழப்பட்டு அம்ருதமாயிருக்கிறாள். ஆறுசக்ராகார பாதுகையுடையவள், ஆறுபாவங்களாயும், பதினாறு (ஷோடசீ) அக்ஷரங்கள் உடைவளாயுமிருக்கிறாள்

பொருள்: ஸ்ரீநாதரால் ஆதரிக்கப்பட்டு மூவுலகையும் காப்பவள் ஸ்ரீசக்ரத்தில் உலாவருபவள்:பாடத்தொடங்கிய இளம் கந்தர்வ கன்னிகைகள் பாராட்டும் பெற்றவள். ஏழை எளியவருக்கும் மிகப்பெரிய அதிர்ஷ்ட வாய்ப்புகளை நல்குபவள். திவ்யமான ஆடையணிந்தவள்-ஆகிய ஸ்ரீசைலத்தலத்தில் அமர்ந்த ஸ்ரீமாதாவை தியானிக்கிறேன்

பொருள்: அழகிற்கு அதிகமாக அலங்கரிக்கப்பட்டவள். லக்ஷ£ரஸம் தானோவென்று விளங்கும் செந்நிறங்கொண்டவர், சேவிக் கவர்ந்த தேவ மங்கையர் தலைவகிடுதானேயாகிய ஆபரணம் கொண்டவள், பாவநயத்தால் பர்த்தாவான பரமேச்வரனை தன்வசப்படுத்தியவள், பண்டாசுரனைத் தொலைத்தவள் ஆகிய ஸ்ரீசைலவாஸினியான ஸ்ரீமாதாவை தியானிக்கிறேன்

பொருள்: மிகப்புண்யம் வாய்ந்தவள்:சந்திரனால் விளக்கம் பெறும் சரிதம் கொண்டவள், மேகம் போலகருமேனியுள்ளவள், முனிவர் பூஜிப்பதில் மகிழ்ந்தவள், ஒட்டியானம் மிளிரும் இடைப்பாகம் கொண்டவள், கன்யகைகளை பூஜிப்பதில் மகிழ்ச்சிபெறுபவளுமாகிய ஸ்ரீசைல வாஸியான ஸ்ரீமாதாவை தியானிக்கிறேன்

பொருள்: பச்சை கற்பூரம், அகில் சந்தனம் பூசிய மார்பகங்களுடையவள், கற்பூர நிறத்தில் நிற்பவள், எவ்வளவோ உயரியதாயினும் கர்மாக்களைப் பொசுக்குபவள்:அவள் காமேச்வரியும் காமினியுமானவள். கருணைச்சுரக்கும் ஹ்ருதயமுள்ள காமாக்ஷியன்னை யுக யுகாந்தரங்களிலுமிருப்பவள்- ஆகிய ஸ்ரீசைலத்தலத்தில் வாழும் ஸ்ரீமாதாவை தியானிக்கிறேன்

பொருள்: கானம் செய்பவரைக் காப்பாற்றும் காயத்ரியானவள் அவள். கருடத்வஜத்துடன் ஆகாயத்தில் செல்லுபவள். கந்தர்வர்கள் பாடும் பாட்டில் ஈடுபாடுள்ளவள்;கம்பீரமாக யானைபோல் நடையுள்ளவள், ஹிமையமலையின் மகளான அவள் சந்தனம், அக்ஷதை இவற்றால் பூஜிக்கப்படுபவள். கங்கை கௌதமர், கர்கர் முதலியோரால் போற்றப்பட்டவள். கௌதமி, கோமதி, கோவாயும், உள்ள ஸ்ரீசைலத்தில் வீற்றிருக்கும் ஸ்ரீமாதாவை தியானிக்கிறேன்